師傅成日話想成功需要靠三分天才七分努力，不過佢最後仲補充一句，就係要睇運氣以及時機喇！好似嫩模三浦海咁就正正符合晒上述嘅條件喇。年方19歲嘅三浦海青春又有氣質，身材凹凸有致，薄身得嚟上圍有一對飽滿嘅純天然E奶，呢副胴體索到不得了！三浦海有非常優秀嘅天賦本錢，本身喺北海道已經做緊嫩模，上年去到東京入讀一間音樂大學，期間被藝能事務所睇中，獲得喺東京發展藝能事業嘅機會，並且於知名周刊《少年Jump》亮相，人氣漸漸上升。
現時三浦海相當努力提升曝光率，積極參與各種活動同展覽，仲向寫真界進軍，《うみとうみ》就係佢首本水着寫真集喇！今次三浦海去到景色優美又充滿熱帶風情嘅夏威夷瓦胡島取景拍攝，並會換上性感少布又凸顯胴體美態嘅泳衣玩水，散發模特兒風采同青春氣息！另外，三浦海仲會踩單車遊覽瓦胡島，又會爬吓樹同享受特色燒烤，期間不經意展露性感，亦帶大家體驗一下瓦胡島獨特嘅風土民情。
書名：《うみとうみ》
售價：約HK$224
撰文：賢