家陣嘅針孔偷拍真係防不勝防，最近有人話用手機就能夠輕易搵出裝在廁所內嘅針孔鏡頭，究竟呢個方法係咪真係得呢？另外，有日本AV女優喺不知情下，無啦啦做咗即食撈麵嘅代言人，到底發生乜嘢事呢？
唔少商品都鍾意搵人氣明星做代言人，而最近日本有即食撈麵就搵嚟AV女優做代言人，但原來係另有內情。話說有日本網民最近喺超市中發現，AV女優安部未華子出現喺一個即食撈麵嘅宣傳海報上，於是佢即刻拍低並且放上網分享。點知安部未華子睇到之後，就話自己根本冇做代言人，亦冇拍過宣傳海報！
原來安部未華子喺宣傳海報上食麵嘅照片，係嚟自佢早前喺個人YouTube頻道上上載一條名為「超超超大盛GIGAMAX！3分鐘挑戰！」嘅食麵片段，片中安部未華子嘗試挑戰呢個分量極大嘅撈麵，睇吓可唔可以喺3分鐘內食晒佢，結果超市將佢喺片中食麵嘅鏡頭Cap落嚟，並且印製成宣傳海報。
按正常情況，AV女優一定會投訴，不過安部未華子就話覺得呢件事好搞笑，一啲都唔嬲，阿妹咁包容，網民梗係Like爆啦！事實上呢位喺1992年11月30日於東京出生嘅AV女優，本身已經有相當嘅人氣，雖然上圍只得32A，但憑住萌爆樣貌，喺2012年6月出道時便獲得極大關注。佢喺2013年3月宣布引退，但喺同年5月復出，近年佢努力經營YouTube個人頻道，人氣有增無減。
家陣嘅針孔鏡頭不但畫質高清，仲有變焦功能，甚至有埋遠距離控制嘅Wi-Fi功能，確實叫人防不勝防。最近南韓有個電視節目教大家點樣用手機搵出呢種具有遠距離控制能力嘅針孔鏡頭。事緣南韓嘅拍偷歪風猖獗，其中一個偷拍熱點就係公廁，而偷拍嘅短片更被人放上色情網站，早前南韓便有幾萬位女性上街抗議，而當局計劃將現時每個月檢查一次，變成每日都檢查公廁內有冇針孔鏡頭。
有見及此，呢個名為《生活的達人》嘅電視節目教大家用手機搵出具有Wi-Fi功能針孔鏡頭嘅方法，由於每個具有Wi-Fi功能嘅產品都有專屬嘅Wi-Fi名稱，當進入公廁後先開啟手機嘅Wi-Fi功能搜尋一下，認清楚接受訊號最強嘅Wi-Fi連接點名稱後關閉手機嘅Wi-Fi，然後再開啟，如果發現有Wi-Fi連接點名稱仍然出現，而接收訊號係超強嘅話，咁就可以懷疑廁所內有針孔鏡頭；若然Wi-Fi連接點嘅名稱係一連串序號嘅話，懷疑性就更高。雖然呢個方法會有誤差，卻有一定參考價值。
睇電影，男女主角完事後一定會歎番支事後煙，咁喺現實中嘅男女又會做啲乜呢？有外國雜誌對2,000名男女進行調查，問及佢哋完事後第一時間會做啲乜？結果發現玩手機排第10位，受訪者表示因為有玩開手機習慣，所以完事後忍唔住拎部手機嚟玩；第9位係叫外賣，因為做完劇烈運動後覺得好肚餓；第8位係煮嘢食，因為嫌叫外賣太慢，自己煮會更快有得食；第7位係傾偈，呢個做法相當好，因為性愛專家都係咁講；第6位係乜都唔做，因為實在太攰；第5位係瞓喺床度，男方從後抱住女方，感覺溫馨；第4位係着衫，呢點對於有爆房經驗嘅男女嚟講，相信會好有共鳴。
嚟到第3位係飲水，因為覺得好口渴；第2位係一齊睇電視，一來睇吓嘢令大家唔使擔心有冷場，二來又可以引發一下話題，最重要係兩人依偎一齊睇感覺好Sweet；第1位就係擁抱，受訪者表示完事後互相擁抱，令雙方更有愛與被愛嘅感覺。唔知大家完事後又會做啲乜呢？
撰文：魂