馬場富美加上天之傑作

每逢見到科學解釋唔到嘅神奇事物,我哋都將之視為與上天主宰有關,咁又唔係迷信嘅,大家睇吓日本寫真妹馬場富美加,生得高挑胸大腰又幼,而且五官標致,係咪諗唔明世間上點解會出現一個咁完美嘅美人兒呢?所以亦不難了解為何日本寫真界稱佢為「上天之傑作」。

誘人葫蘆

以前好多人都話香港靚女多,呢一點小弟唔會否認,不過身材同時生得凹凸誘人嘅就少之又少。至於日本又點呢?個人認為好身材嘅靚女相當多,就以寫真女優為例,巨乳美人不計其數,好似知名嘅杉原杏璃、原幹惠就係最佳例子,雖然前者上咗位亦已經一把年紀,後者則已進入無限期休業階段,然而後輩甚多,而且唔少都形象健康又充滿活力,例如陽光美人兒久松郁實、筧和美子、都丸紗也華都相當出色誘人,至於今日為大家介紹嘅馬場富美加同樣質素上乘。

今年23歲嘅馬場富美加青春可人,塊面有少少圓潤,配上一雙黑白分明嘅攝人明眸,令人印象深刻,同時擁有一副堪稱完美嘅極品胴體,身高5呎6吋,配埋小蠻腰以及渾圓飽滿嘅純天然F奶,形成一副曲線有如葫蘆樽一樣誘人,難怪寫真界稱佢為「上天之傑作」,又稱阿妹為「愛神維納斯之化身」,索得咁緊要梗係人人都愛上佢啦!

一帆風順

出生於新潟縣嘅馬場富美加自細接受舞蹈及歌唱訓練,後來成為兒童劇團Apricot嘅成員之一,而就讀中學嘅時候,被星探「街頭捕獲」,搵富美加為書籍《新瀉美少女圖鑑》做模特兒,就係因為咁被藝能事務所睇中,從而踏上影視圈及寫真界之路!提到馬場富美加,好多傳媒都形容佢出道以來一帆風順,因為出道冇幾耐就拍電影,之後又演出特攝片集《幪面超人 DIVA》,跟住好快當上電影女主角,作品就係《黑色契約》。

此外,上年富美加拍日劇《戀愛香港》,擔任第二女主角,更嚟到香港取景拍攝添,希望佢好快又會嚟香港啦!而最近佢就同久松郁實及佐野雛子合演劇集《深夜之NG戀愛圖鑑》,將年輕女孩子嘅戀愛態度演繹畀大家睇,做日本觀眾有咁多機會可以見到富美加真係好幸福呀!

社交網站

簡介:馬場富美加除咗忙於拍劇,近期仲頻頻擔任時裝模特兒行天橋騷,大家想欣賞一下富美加嘅迷人貓步,可以Click上其社交網睇睇。

網址:https://twitter.com/fuuumika_b?lang=ja

馬場富美加Profile

年齡:23歲

身高:5呎6吋

三圍:33-23-33

撰文:賢