男女情慾攻防戰，喺滾上床單之前已經開始搏鬥，點樣可以獲得異性歡心，等對方願意同你發展進一步關係，確實係一個相當有挑戰性嘅問題。而喺情色俚語中，同「Fight」有關嘅詞語就簡單得多，當然仲有更簡單，單憑眼睛就可以欣賞嘅AV作品啦！
古時士兵作戰必定會披甲上陣，嚟到今時今日嘅床戰，如果想有安全嘅性行為，男士亦要披甲上陣，意思即係戴安全套，而英文就稱之為「Fight in Armor」。由於安全套喺性行為中，對男女雙方都有保護作用，情況就好似盔甲一樣，故此便衍生出呢個英文俚語。例句： Honey, would you like fight in armor? （親愛的，你想披甲上陣嗎？）
講起盔甲，以前多數以金屬製成，但係大家有冇諗過用金屬製成嘅安全套呢？呢個由美國創意公司Scott Paul Designs設計出嚟，名為「Cruel Condom」嘅安全套，以中古歐洲嘅盔甲為設計理念，以幾百個微細金屬環製成。據設計公司稱，呢個金屬安全套主要供愉虐愛好者使用，而且可以循環再用，清潔方便。但要提一提大家，呢個「Condom」絕無保護作用，大家千祈唔好亂用呀！
正所謂「贏咗場交，輸咗頭家」，男女相處係唔好咁衝動，若然遇到意見不合嘅情況，不妨用「Sex Fight」嚟解決。大家唔好見到個「Fight」字，就以為用拳頭打交嚟解決問題，所謂「Sex Fight」嘅意思，係指男女喺啪啪啪嘅過程中，邊個最先到達高潮就係贏家。舉個例子，男友話等陣要食法國菜，女友卻話要食日本菜，喺咁嘅情況下便可以用「Sex Fight」方法嚟解決。不過可能大家會話，通常男人比女人更易更快到達高潮，咁女方一定輸梗啦！其實又有乜所謂吖，經過一輪活塞運動後，男士乜嘢火都冇晒，到時聽女友話食日本菜都冇問題啦！如果唔想一場定勝負嘅話，嚟多幾場又如何呢？
講起持續作戰，人類一定唔夠澳洲袋鼩嚟，事關呢種外形似老鼠嘅有袋動物，雄性喺11個月大時便已進入發情期，然後會不斷搵雌性交配，甚至可以進行長達14小時嘅馬拉松性愛。當雄性袋鼩發情期結束前，佢哋就會因過度縱慾而精盡「鼩」亡。
格鬥同情慾元素係唔少四仔嘅題材，好似由英國四仔片廠Television X喺2012年5月推出嘅《Fighting Fxxxs》就係其中一部佳作，英國脫星Syren Sexton擔任女主角，聯同Siren Shay、Tammie Lee、Mai等演出，劇情相當簡單，正如Television X當年宣傳呢套作品時所講一樣，就係以「格鬥同性愛加埋一齊亂搞」，係咪好簡單易明呢？
故事講述夢想成為格鬥家、並以Syren Sexton為首嘅幾位索女，喺苦練格鬥技嘅同時，點樣與唔同嘅猛男啪啪啪，當中有人練出集床技同格鬥技於一身嘅必殺技。雖然劇情好簡單，但憑住Syren Sexton嘅傾力演出，令作品獲得極高嘅人氣。事實上，Syren嘅來頭唔小，大學畢業後投身裸模界，2008年參與四仔演出，憑住一對32C美乳而備受注目。隨後進軍美國四仔界，先後為多個美國四仔片廠拍片，演出愉虐題材為主，及後於2010年及2011年喺有英國四仔奧斯卡之稱嘅Shafta頒獎禮中獲得年度最佳女脫星獎，足見實力強勁。
M男嘅樂趣雖然一般男士唔會明白，但為咗滿足佢哋嘅喜好，日本唔少AV片廠都會推出M男主題作品，當中嘅人氣作就要數呢部《THE FIGHT! 女王與M男的本氣格鬥》系列。由專門製作愉虐題材AV嘅日本片廠SM Queen Road製作，早喺2007年5月推出頭炮作《THE FIGHT! 女王與M男的本氣格鬥 01》，演出嘅係一位名不經傳嘅素人女優。雖然呢種做法可以有效地降低製作成本，但其實片廠對呢套作品相當有信心，事關片中嘅打鬥場面確係堅揪，名副其實係拳拳到肉，班M男反應夠晒真實之餘，情慾場面亦夠激情。
正如片廠預期一樣，呢種肉搏演出果然大受AV迷歡迎，於是食住個勢推出第2集，並搵嚟報稱識空手道嘅雨宮利香演出。唔識呢位女優？唔出奇，因為佢本身係素人女優，唔單止打得，心口對G級胸器更係激凸無比，雖然佢個樣唔夠靚，但係激情四射嘅床上演出，仍然獲得AV迷歡迎。之後片廠沿用呢個模式，並先後搵嚟有栖川泪、美岬愛羅等素人女優演出，直至2012年10月推出《女王與M男的本氣格鬥 DX》後，呢個系列便宣告完結。
撰文：魂