性愛專家話喺性愛過程中，用眼罩蒙住對方雙眼嚟啪啪啪，係一種刺激嘅情趣玩法，當然事前雙方需要溝通清楚，咁先至玩得開心。咁冇溝通過就玩又會點呢？咪會出現呢位男網民嘅反應囉！話說男網民嘅女友好鍾意喺啪啪啪時試新玩意，不過有樣嘢女友每次都必定會玩，就係蒙住男網民對眼。男網民話：「可能大家會覺得好過癮，但係我一啲都唔覺得，因為女友蒙住我對眼後，唔係佢做主動，而係繼續要我服侍佢，簡單嚟講就好似熄晒燈玩一樣，真係一啲都唔過癮囉。我問過女友點解唔蒙佢對眼，佢話自己大近視，蒙唔蒙都睇唔到喎。直至最近我發現咗個秘密，原來佢前男友係咁同佢玩，但係對方蒙佢雙眼，唔通佢想喺我身上報仇？」
聖士提犯：我覺得你女友係放唔低以前條仔，於是喺你身上用番同樣嘅方法嚟報復啫。講真，你都已經講咗話唔鍾意咁玩，點解佢仍然要咁玩先？好明顯你其實都知道當中原因。
純粹愛：其實你有冇放鬆過心情，去接受呢種玩法呢？可能你女友覺得你對新事物唔係太感興趣，於是用呢種方法嚟慢慢調教你。你不妨嘗試打開自己，去接受吧。
將軍澳令：你應該好狠咁同佢講：「玩乜都得，玩蒙眼就唔得！」如果佢尊重你嘅話，相信佢唔會再逼你玩。不過話時話，其實呢種玩又真係幾過癮。
ComeOn貝貝：睇你嘅反應就知道你一啲都唔投入，你女友先至用呢個方法嚟調教你。前男友？你咪咁小器啦！如果佢真係咁掛住前男友，就唔會同你一齊，一齊得就咪諗咁多。
撰文：魂