男人太「小器」嘅話真係好煩惱，不過英國有調查指女性其實唔係太過着重兵器嘅長短，反而重視能唔能夠擊中佢哋嘅高潮位。想知乜嘢叫高潮位？就要睇吓專家嘅講解。另外，小器男唔使再擔心套套鬆脫問題，皆因有安全套公司推出最小型套套，保證絕對啱身！
講到男士最煩惱嘅性愛問題，唔單止係持久力不足，仲有係兵器短小。其實好多調查顯示，大部分女士都唔着重兵器長度問題，反而床上表現先至係重點。早前英國進行咗個調查，發現女士最關心嘅係男伴能否擊中佢哋嘅「X Marks The Spot」，令佢哋高潮迭起。「X Marks The Spot」同G點有分別，前者嘅範圍更大，男士更容易刺激到呢個地方，從而令女士獲得高潮。性學專家指出，不論男士嘅兵器長或短，只需要讓女士平躺床上，然後交叉腿並豎起，便能夠輕易擊中呢個高潮位。
此外，性學專家提供四個體位畀男士選擇，分別係號稱最受英國男女歡迎嘅推車仔、女士背向騎乘、女士打側騎乘以及稱為「Super Girl」嘅性愛體位。專家表示呢四個體位同樣有效擊中女性嘅「X Marks The Spot」，即使兵器短小仍能夠令女伴高潮迭起。
人嘅邪念可以有幾邪惡？單係睇吓呢件壽司嘅外形咁特別，就引嚟日本網民嘅熱議就知。究竟有幾邪念？當大家睇到呢件壽司嘅時候，覺得佢似乜嘢呢？冇錯，就係男根！呢件外形咁出位嘅壽司唔係日本網民嘅惡搞創作，而係喺日本連鎖壽司外賣店豆狸，名為「松茸腐皮」（いなり）嘅秋季限定壽司嚟o架！做法係將松茸切片，放喺腐皮壽司上面，然後再加上一粒銀杏，就製成呢個貌似男根嘅松茸腐皮壽司喇。此外，連官方宣傳嘅壽司相片亦夠過癮，話說呢款每年都會以秋季限定登場嘅壽司，過往嘅官方相片都好正常，之但係今年嘅相片零舍惹人遐想。有人懷疑呢間壽司店別有用心並唔出奇，事關店內發售嘅松茸腐皮壽司嘅外形並唔似官方相片。
另外，早喺今年4月嘅時候，位於JR水道橋駅嘅豆狸分店，推出名為「東京巨蛋」（東京ドーム）嘅腐皮壽司，喺腐皮壽司上加一隻鵪鶉蛋而成，當時有日本網民稱佢好似一對車頭燈，令人想入非非，不過大家已經唔可能再搵到呢款壽司，皆因呢間分店喺6月初已經結業。
現時坊間嘅安全套尺寸來來去去都係嗰幾個，若然兵器天生細小，真係未必啱Size，出現鬆吓鬆吓嘅情況，咁點算好？英國安全套公司TheyFit最近就推出咗號稱「全球最細」兼且係量產型嘅E55型安全套，據稱佢哋發現全球每日都有唔少男士選購最細尺寸嘅套套，於是決定生產呢個專為短兵器男士而設嘅套套。呢款E55型套套長度僅得7.8cm，直徑2.6cm，真係夠晒迷你。如果冇長度，但粗度卻有番咁上下又點算呢？唔緊要，仲有8種唔同直徑嘅套套畀男士選擇。為咗可以讓一眾男士搵到最啱自己兵器嘅套套，安全套公司相當貼心地喺官網提供量度方法，除咗可讓男士直接輸入兵器嘅長度及粗度進行搜尋，以及跟據以往使用套套感覺而評估最啱用套套外，仲提供咗一把兵器量尺及量度指南，等男士可以自行量度出最正確嘅數據，然後再揀選最啱用嘅套套。
撰文：魂