相信大部分人最憎另一半攞自己同前度比較，尤其係性事方面，簡直係死穴，唔嬲就假！話說有位男網民因為一時口快講錯咗，結果搞到女友勁嬲。呢位男網民同女友拍咗8個幾月拖，終於得到女方答應去爆房，由於佢太緊張而匆匆完事，之後兩人喺床上依偎談心，點知女友突然問佢：「你同Ex係咪都係咁快o架？」男網民嗰刻只係記得一條規矩，就係「乜都要讚現任最好」，於是佢就答：「因為你太吸引，令我好緊張，所以咪失準咁快囉！我以前好耐o架！」結果女友聽後即時黑面，猛話佢一定係同Ex成日做先至會冇咁緊張，仲話佢記住以前啪啪啪嘅事。男網民覺得好冤枉，其實佢同Ex只係做過兩次咋，而女友已經有兩個禮拜冇睬佢，唔知點算好？