男人隨住年齡遞增，欣賞女性嘅角度會愈嚟愈低，意思即係話後生仔睇樣，中年喜歡睇心口，老年就最鍾意欣賞臀部及雙腿。其實咁講梗係唔啱啦，因為識得欣賞美腿嘅男士，乜嘢年齡層都有，而今次就介紹同Foot及足部有關嘅情色俚語及成人作品啦！
有啲英文情色俚語其實都幾有趣，就好似「Foot Long」咁，大家估唔估到佢係乜嘢意思呢？查實佢係指男士嘅兵器。原來外國人有個講法，只要睇吓男士隻腳板幾大，就會估到佢支兵器有幾大。為咗證明呢個講法係咪真，喺1993年加拿大阿爾伯塔大學（University of Alberta）同多倫多醫院研究人員聯手進行研究，佢哋收集咗63名男士嘅身高、兵器長度及腳板大小等資料，喺比較數據後發現，腳板、身高同兵器長度之間一啲關係都冇，因而斷定呢種講法未可信。而喺2002年倫敦又有兩位醫生搵嚟104名男士進行相同嘅研究，結果發現腳板大嘅男士，兵器唔會比腳板細嘅人特別長，證明兩者嘅大小並無關係。雖然係咁，至今仍然有唔少人相信兩者有密切關係。
情趣玩意「Oral Job」，意思解做口舌服務，咁相信大家唔難估到「Foot Job」嘅意思，就係腳仔擦槍，用雙腳嚟刺激男士嘅兵器，直到發射升空為止。由於呢種玩法可以避免親密接觸，故此唔少妓女都會提供呢種服務。關於「Foot Job」嘅歷史，有傳佢最早可以追溯至古埃及時期，當時嘅壁畫上曾記載女性進行「Foot Job」嘅場景。至於中國歷史上，相傳有位皇帝好此道玩意，佢就係出名鹹濕嘅漢成帝劉驁（公元前51年至公元前7年4月17日）。話說佢有次冒雪打獵而染上風寒，自此出現勃起障礙，而佢每次捧起妃嬪趙合德（趙飛燕個妹）雙腳，兵器即刻生龍活虎，自此便愛上呢種玩法。
美國四仔界有唔少演而優則導嘅脫星，甚至自立門戶開公司拍四仔，而且成績理想，深受四仔迷歡迎，好似呢套喺2008年10月推出嘅《Belladonna's Foot Soldiers: The Stomping Grounds》正係其中之一，由脫星Belladonna執導兼親身上陣，夥同Alexis Texas、Dana DeArmond、Kimberly Kane等多位人氣脫星演出，憑住一雙又一雙嘅誘人美腿表演火辣腳法，即使係零劇情，仍然獲得極佳嘅評價，並且喺2009年AVN頒獎禮奪得「最佳戀腳作品」嘅殊榮。
而Belladonna開設四仔製作室，當然佢有一定實力。當年佢被星探發掘而入行，於2000年出道，3年後佢喺XRCO頒獎禮獲得「年度最佳脫星」大獎，其後佢亦獲獎無數，及後佢開設四仔製作室，並擔任導演，2008年憑住《Belladonna: Manhandled 2》作品於AVN頒獎禮獲得「最佳導演」獎項。2007年8月宣布引退，先後喺2008年、2011年及2013年進入NightMoves、XRCO及AVN名人堂。
腿固然係AV女優嘅誘人賣點，如果加埋水着同連身襪就更加吸引，好似呢部由葵鈴奈演出嘅《美腳×競泳水着×連身襪及眼鏡》就獲得極佳好評，AV迷絕對唔可以錯過！呢部作品由日本AV片廠Crystal映像喺2017年9月推出，單係睇個片名，就知道佢以四樣賣點吸引AV迷捧場，片中葵玲奈不但以水着加連身襪造型登場，仲戴埋副眼鏡，增添唔少書卷味，睇到人如癡如醉。
雖然玲奈屬於貧乳一族，但憑住可愛嘅樣貌，獲得AV大廠Kawaii嘅青睞，喺2015年7月推出處女作《飲醉美少女約會檔案》取得好成績，並獲得公司力捧。事實證明Kawaii相當有眼光，玲奈嘅作品不但大賣，更打入2017年上半年作品累積銷量頭20名。及後阿妹因操勞過度，宣布引退，不過好快佢就復出，最近更開始YouTuber工作。
撰文：魂