好多人都話港女難招呼，最慘仲係港女崇洋，一旦有洋人搭訕就好容易受溝。其實日本女仔亦一樣鍾情洋人，有唔少AV女優同洋人拍拖，好似O奶波霸Hitomi早前就公開同美國音樂人Frankie Palmeri嘅戀情喇！最近仲有一位波霸答應巴西籍格鬥家嘅求婚添，佢就係G奶尤物松本芽衣喇！
松本芽衣雖然唔算係人氣超高嘅女優，但係憑住一對G奶以及喺床上同男優拚個你死我活嘅搏命演出，令AV迷對佢印象深刻，最近佢仲幸福地獲得一次難忘以及萬眾矚目嘅求婚添！當日喺日本後樂園會堂舉行一場格鬥比賽「Krush」次中量級冠軍挑戰賽，由塚越仁志決戰巴西籍挑戰者木村實，經過四個回合嘅比賽，最終由木村實奪得冠軍腰帶，當觀眾向佢報以熱烈掌聲祝賀時，木村實突然用咪高峰講出一個名字，就係女友松本芽衣喇！當芽衣上到擂台嘅時候，木村實隨即跪喺地下向芽衣求婚，令芽衣又驚喜又感動，眼淚失控咁流，最後就梗係答應結婚啦！格鬥家木村實今鋪贏得冠軍又贏埋個波霸老婆，真係令人又妒忌又羨慕呀！當然，作為AV迷就梗係要祝松本芽衣婚後幸福美滿啦！
撰文：賢