喺炎炎夏日，最佳節目莫過於去玩水，既能消暑又可以水着索女，真係一舉兩得！不過唔想被太陽曬住睇泳裝女郎，喺屋企都一樣可以睇到，好似呢個嚟自人氣動畫《戰姬絕唱SYMPHOGEAR AXZ》嘅女角色雪音克莉絲模型，就係其中一個選擇。作為人氣極高嘅日本動漫角色，雪音最新登場嘅模型以泳裝示人。如果有睇過動畫嘅話，都會知道雪音細細粒兼一副萌樣，名副其實係童顏巨乳，而佢呢個「凸」點喺呢個模型上充分展現出嚟。喺可愛洋服款式嘅泳衣襯托下，一對巨乳相當有睇頭，同時增添可愛味道。如果大家以為只得呢個賣點嘅話就錯喇，事關從後面睇嘅話，會發現雪音嘅美股亦相當誘人。此外，不得不讚原型師喺肌肉紋理嘅處理上相當細心，好似腹肌及臀部線條極具質感。仲有，雪音拎住兩把水槍上陣，感覺就好似喺海灘玩緊水咁，係咪好有夏日Feel呢？