唔經唔覺Pornhub Awards Show都吹足一年，最近終於獲得證實喇！據成人新聞網AVN報道，第一屆Pornhub頒獎典禮鐵定於9月6日喺洛杉磯舉行，主持由同Pornhub網站Friend到爆嘅脫星Asa Akira擔任，粉絲除咗可以飛身去現場支持，亦可以上Pornhub.com睇高清直播，甚至戴VR眼罩嚟睇猶如置身於現場分享喜悅！Pornhub已經公布咗60多個頒發獎項名單，至於邊啲脫星入圍，至截稿前官網仲未有公布，有興趣嘅話記得上網實喇！
問題係，美國已經有AVN同XBIZ呢兩個大型四仔頒獎禮，計埋其他細型「圍威喂」嗰啲頒獎禮，真係一年12個月都有得頒獎，家陣連色情網站都要插隻腳玩埋一份，莫講話脫星分身出席頒獎禮都唔掂，四仔迷都睇到厭啦！但你咪理，Pornhub就係全球性，況且人哋講明網民有權投票之餘，仲免費有直播睇，唔似得嗰兩個大型頒獎禮咁，又要提早買飛，又要自己友限定，話唔定Pornhub頒多幾年，取代晒所有四仔頒獎禮添呀！
撰文：祖