香港地唔少人都住喺劏房或套房，只係呢類套房嘅隔音效果，唔係間間都做得咁好。如果遇着一對熱衷啪啪啪嘅鄰居，嗰種煩惱都唔知點同人講。有位女網民早前喺網上表示，鄰居貌似一對新婚夫婦，事關佢哋例必每晚都會啪啪啪，由於隔音麻麻，乜聲都聽到晒！如果得佢一個都算，有時朋友嚟到真係好尷尬。佢就話：「有次班Friend喺我屋企打完邊爐，話想打陣機先至走，嗰一刻我祈求隔籬屋兩位唔好嚟料，點知事與願違，班Friend即刻按Mute掣，竪起隻耳邊聽邊笑，跟手問我有冇春心動同會唔會自摸，嗰刻我勁尷尬呀！佢哋平時唔會好大聲，唯獨呻吟聲就好響亮，有冇計可以解決呢個問題呢？