色情雜誌唔單止用嚟睇，仲值得珍藏，大前提係本鹹書要夠高檔囉！咁點為之高檔呢？就係集藝術、魅力、時尚、性感、火辣於一身，簡單嚟講，總之要令讀者大開眼界，睇完之後唔捨得掉嘅鹹書囉！乜市場上有咁正嘅雜誌咩？之唔係w《VOLO Magazine》囉！佢哋嘅官網簡介第一句就話：「本雜誌被公認為世界排名第一的裸體藝術刊物，展示來自35多個國家的最佳裸體攝影作品。」無講錯喎，佢哋索女多、靚景多、錢更加多，簡單一張相，淨係化妝都需要幾個鐘，而且每張寫真都有故事，唔係求其搵個囡囡剝光豬就收工。讚到咁巴閉，係咪咁值得睇先？咁就要問閣下係咪高檔次，係咪鍾意睇天人合一嘅寫真先喇？呢本雜誌堅持要喺戶外拍攝，喺大自然環境及自然光線下呈現最真實自然美，主編Ylevol仲話喺數百張相精心挑選一張出街，背後嘅理由係佢哋熱愛呢份工作喎！細佬懷疑《VOLO Magazine》究竟係做畀佢哋自己睇定觀眾爽呢？