終於深切體會到咩叫「有錢唔敢使」喇！新鈔未推出先嚇爆，有網民話新廿蚊紙嘅飲茶設計似足「遺照」、蝴蝶主題嘅50元新鈔就錯漏百出、一舊水「女鬼」同冥鈔接軌，至於「金牛」嘅「人頭」造型更係令人一頭霧水。雖然全部新鈔設計都唔掂，但送晒畀你人人爭住搶，之但係當你畀錢人哋唔想收嗰吓弊呢！舉例，馬交都流通港幣，但日後畀錢時可能會畀人笑，甚至寸你兩嘴，你話係咪谷鬼氣吖！就算唔谷氣，拿住喺手都嚇襯自己啦！唔使太擔心，細佬已經幫大家諗好咗，不妨搵啲黑麻麻嘅地方例如夜場花咗佢，夜總會有名你叫「銷金窩」，客人入場揼低一萬幾千視作等閒，再者去梳乎最怕碌卡留低「證據」，現兜兜畀錢就得最Happy！嗰晚細佬去咗9號會所搵PR沫菲吹水，原來阿妹都有留意新鈔消息，連佢都深信新鈔一推出會增加大家嘅消費意欲，皆因袋住啲咁嚇鬼鈔票，個人想有運行都難喎！不過沫菲就話照單全收，因為收到新鈔後轉頭就會攞去增值，變成電子貨幣，咁咪一天都光晒囉！既然沫菲唔介意，下次細佬就全部畀廿蚊紙找數，問你怕未？