好多女仔美貌與身材兼備，但係一開口就令男人卻步，唔係話佢哋口臭或者說話粗鄙，而係把聲超沉好似老牛聲。喺日本藝能界好多女星都人靚聲甜，更重要嘅係身材火辣引死人，最近推出首本寫真集嘅逢田梨香子就係其中一位喇！
25歲嘅逢田梨香子可以話係近年日本聲優界最炙手可熱嘅聲優，最著名嘅聲音演出就係為動畫《LoveLive! Sunshine!!》嘅女主角櫻內梨子配音。梨香子除咗有一把靚聲，樣貌亦生得俏麗甜美，身材亦婀娜誘人，近期佢唔再收埋自己嘅好身材，決定向觀眾展示誘人身段，推出首本寫真集《R.A.》，仲去到美國洛杉磯取景，原來梨香子小時候曾經喺當地居住過4年，希望藉此尋回童年回憶。另外，亦會喺日本取景拍攝，而梨香子更會嚟個突破性演出，展示自己已經蛻變成為性感誘人嘅美人兒，唔單止會換上性感水着搔首弄姿，仲會首次以內衣姿態示人，當然梨香子親切又甜美嘅笑容亦令人睇得心情暢快啦！
書名：《R.A.》
售價：約HK$190
撰文：賢