高潮迭起衝出太空

情色俚語：Space Docking 親密接觸

有時真係不得不讚英文嘅情色俚語既簡單又傳神，好似呢個「Space Docking」咁，聽完解釋後便會發覺佢真係幾形象化。佢其實係指男士挺住兵器慢慢進攻嘅動作，由於呢個動作好似太空船同太空站接連一樣，因此便得到呢個稱號。例句：Ivan line it up, and began space docking.（Ivan對準位置深入重要地帶。）大家有留意嘅話，呢度嘅「Space Docking」係作為名詞咁用，如果當成動詞嘅話，就要寫成「Space Dock」，例句：I space docked May last night and went to sleep.（尋晚我同阿May開心完後就瞓覺了。）

玩樂辭典：Space Port 重口味玩意

英文嘅情色俚語有時真係幾令人（抓）爆頭，好似呢個直譯做航天站嘅「Space Port」咁，大家又諗唔諗到佢係乜嘢意思呢？原來佢係一種頗為重口味嘅二穴式玩法，需要一條相當柔軟嘅長條物做道具，而男方則用手控制長條物嘅活動。如果覺得呢個俚語太過難明嘅話，咁「Space Taco」相信會更加難估，「Taco」即係炸粟米餅咁解，不過「Space Taco」就唔係解做太空中嘅炸粟米餅，而係指女性因為性愛次數過多，或經常玩情趣真空吸盤，以致重要部位外觀變得難睇，令男士提唔起性趣。

美國四仔系列：《Space Nuts》 淫邪宇宙

講到經典科幻四仔，不得不提呢套由美國四仔廠Wicked Pictures，喺2003年9月推出嘅《Space Nuts》。由四仔導演Jonathan Morgan執導，並搵嚟當時嘅新星Stormy Daniels夥拍男優Evan Stone演出，加埋超過20名極具名氣嘅脫星參演，包括Jessica Drake、Katie Morgan、Kaylani Lei、Kim Chambers等，陣容相當強勁。為咗令作品更具劇味，Jonathan Morgan便組成編劇團隊打造劇本，絕對係誠意之作。故事講述宇宙被邪惡霸主同黑暗女巫所吞佔，而佢哋為咗佔領Clitorian王國，於是諗住將由Stormy飾演嘅王國公主Hubba Hubba強佔為妻，好彩佢及時逃脫，並聯同由Evan飾演嘅星域戰士Buzz Starfokker將惡勢力打倒。唔單止角色造型相當認真，性愛場面亦進行得合情合理，難怪喺2006年AVN頒獎禮奪得最佳特技、最佳性愛喜劇及最佳DVD等三個獎項，而Stormy Daniels同Evan Stone亦分別獲得最佳新進脫星及最佳男優嘅殊榮。

呢套作品對Stormy Daniels嘅影響極大，皆因佢憑此片人氣急升，喺各個四仔頒獎禮中屢次獲獎，喺2014年更入選AVN及XRCO名人堂。不過講到爆紅，都及唔上佢最近捲入一單性醜聞之中。

日本AV系列：葉月美音 決一死戰

太空戰士同宇宙戰隊呢類作品，唔單止係日本特攝片嘅特色，同時亦係日本AV嘅特色主題之一，只係講到呢啲外形火辣，下下同外星生物開戰嘅AV女太空戰士作品，卻要數呢套由日本AV片廠GIGA喺2015年9月推出嘅《電影戰隊CHARGEMAN CHARGE女戰士最後的戰鬥！永無止境的噩夢》，由巨乳女優葉月美音主演，喺床上床下都打得出色。故事講述由葉月美音飾演嘅太空女戰士葵七海，因為意外落入宇宙獸嘅魔掌，雖然佢擁有唔怕淫藥嘅天賦，但喺對方嘅觸手攻擊及各類情趣玩具嘅挑逗下，令佢陷入高潮邊緣，好彩呢個時候佢終於掙脫束縛，誓要同宇宙獸決一死戰！據導演稱拍攝嘅時候，因為葉月身體狀況唔好，所以搵嚟替身代為演出打鬥動作，只係講到啪啪啪場面，就係葉月苦撐下嘅瞓身演出，絕對係相當有誠意嘅作品。

事實上，喺1990年10月24日於埼玉縣出生嘅葉月美音，早喺2011年以寫真女優身份出道，憑住高挑身材及37I巨乳而備受注目。不過只要同佢有接觸過嘅人，都會發現其實阿妹係一位相當斯文嘅女仔，而為咗演出呢套作品，佢勤力學習空手道，但因為身體狀況差而冇得落場大顯身手，相當可惜。

撰文：魂