雙胞胎真係好難分邊個打邊個，不過呢個問題唔會出現喺日本人氣手遊《閃亂神樂NewWave G-Burst》中嘅孖生女角色両奈及両備身上，事關作為家姐嘅両奈，只擁有AAA罩杯嘅超級貧乳，而両備則擁有一對巨乳，所以大家一眼就分得出。既然係咁，大家又估吓今次介紹嘅模型係両奈定両備呢？答案係兩個都有份！雖然模型以両備之名推出，但係佢嘅胸部可以變換，簡單嚟講即係想要貧乳嘅両奈又得，想要睇巨乳嘅両備亦得。呢種玩法嘅好處，既可以滿足到粉絲嘅需要，同時亦可以提升玩樂度及觀賞性。雖然大波細波各有喜愛，但係兩種形態一樣睇頭十足，事關以中門大開設計，近乎半裸嘅造型夠晒吸引，而下半身僅穿着底褲，從後面睇嘅話，便會發現露出半條股罅，極之誘人。如果想令性感度提高嘅話，大家可以親手除咗佢件外套，即時兩點盡露。至於想睇貧乳定巨乳，就隨你喜好喇！