以前成日都希望中六合彩可以一朝發達，之不過師傅就同我講發夢不如努力靠自己雙手打拚仲實際！喺日本AV界一班女優以及AV製作人都係靠自己搵食，而且每月收入高達100萬日圓添，認真和味！
鍾意睇日本AV嘅朋友相信留意女優之餘，亦會留意一下AV製作公司，知名公司包括S1、Moodyz、SOD、KMP、宇宙企劃以及MAX-A等等。佢哋由挑選女優到製作AV嘅態度都相當嚴謹，所以拍出嚟嘅作品比較精細以及悅目指數高，然而製作規模相對小型嘅同人AV近期卻有興起之勢！所謂同人AV，好多都係由素人女優演出，而企劃者通常只得一個，內容大部分以女優扮成動漫人物為主，好多時都喺一間酒店房拍攝，鏡頭運用亦非常簡單。由於演出者多數都係得一名女優同一名男優，所以激情場口都係得一幕吹奏、一幕自娛以及一幕床戰咁大把。有記者去過位於秋葉原嘅一間販賣同人AV嘅二手DVD店查探過，發覺唔少二手同人AV價格由400至1,000日圓，亦有部分售價2,000日圓，同全新AV價錢睇齊，平均價格亦比起早兩年上漲，反映出同人AV品質日益提高之外，受歡迎程度亦大為上升。
AV廠V&R嘅監督安達薰表示，有唔少素人女優都係來自Cosplay界及戀物模特兒界，佢哋一向都有性感演出，近年仲會進行網絡直播吸納粉絲，好似由性感Cosplayer山村茜及成澤雛實組成嘅「inmoralister」就做網紅亦有拍AV喇。另外，安達薰透露好多素人女優每月收入高達100萬日圓，即係有成70,000港元！薰哥話素人女優好多都有正職，會利用工餘時間拍AV，一般嚟講佢哋拍攝時會租一個簡單嘅場地，例如酒店房，再請一位攝影師及男優負責演出，成本大約為10萬日圓。拍完之後，主要上載到特定網站畀人付費下載，亦會製作成DVD放喺同人動漫銷售店售賣。另外，素人女優除咗拍同人AV之外，仲會做網絡直播吸納廣告費、出席攝影會等搵錢，着過嘅戲服仲可以賣畀喜愛原味衣物嘅AV迷，計計埋埋收入相當唔錯，亦因為咁吸引到好多女仔從事一人經營方式嘅同人AV拍攝工作。
但係點解同人AV會異軍突起呢？安達薰表示原因係家陣觀眾嘅口味已經改變咗，就好似現時好多觀眾唔鍾意睇戲同睇劇，反而會上網欣賞網絡直播，觀眾喜歡欣賞非正統歌星、影星嘅直播人士，作出非專業且自然嘅演出，而唔係經過精心計算同鋪排嘅戲劇，鍾意睇同人AV嘅AV迷心態亦係一樣！好多AV嘅拍法、過程、劇情，以至於女優嘅表情、動作都係差不多，大家都唔想再睇千篇一律嘅AV作品喇。另一方面，同人AV演出嘅素人女優話明係素人，前戲同床戰係就係表現唔流暢，但場面夠逼真，現時大家都對「貼地」嘅內容情有獨鍾，所以就解釋到同人AV興起喇。同一時間，過去兩年有唔少AV女優表示係被迫拍AV，故大型AV集團就花咗好多人力物力吸引新人女優入行，亦要花時間去審查旗下AV品牌有冇做不法行為，從而確保推出市面嘅都係「合理AV」以重塑業界形象，令AV集團每部作品成本更重，所以近期有減產迹象，此消彼長之下，唔知AV業界喺未來會唔會變得碎片化以及同人化呢？
撰文：賢