日本AV作品之所以咁好睇咁精彩，除咗因為女優演技高、性技好之外，亦要歸功於AV監督。而喺芸芸咁多個AV監督當中，小弟最鍾意女監督真咲南朋，一來佢個樣省鏡又有韻味，二來佢近年致力邀請不同類型嘅AV女優舉行粉絲聚會，令廣大AV迷有更多機會同女優見面。早前南朋姐又再出手，請來星杏子、雪菜菜子、中尾芽衣子以及曾經係涉谷系女優王牌，上年回歸AV界嘅Risa，至於今次嘅活動名稱叫做「我們都是貧乏AV女優」。據知唔少AV女優嘅經濟都唔係幾好，好多仲生活拮据添，唔知今次呢班女優又有幾窮呢？雪菜菜子話近期工作愈來愈少，要兼職做陪酒孃，而中尾芽衣子就話窮到冇錢交房租，家陣要依靠跟隨樂團四圍登台搵食，至於星杏子表示自己人氣唔高，片酬少之餘，一個月只有三次演出AV嘅機會，收入維持唔到生計，最後Risa就話每個月花費喺美容扮靚上超過10萬日圓，因此生活過得相當窮困，咁阿妹都係自己攞嚟啫，邊個叫你咁貪靚喎！
訪談環節之後，南朋姐就播放四位女優嘅AV片段，目的當然係同觀眾熱一熱身啦，二來就係令大家對女優們加深認識，事關除咗Risa之外，其他女優嘅知名度不高，而Risa早前亦因為遇上交通意外，養傷一段日子先復出，新一代AV迷對佢印象唔係咁深。亦因為Risa發生意外而被迫停工，贊助是次活動嘅服飾品牌特別送上慰問金以示支持，搞到一向表現強悍嘅Risa感動到眼濕濕！睇完片之後，都係時候同觀眾玩遊戲，女優們捉咗幾個觀眾上台玩弄一番，先將觀眾件衫拉高，然後輪流用口咬住支筆喺觀眾身上繪畫，見到女優個嘴已經令人想入非非，仲要貼身繪畫，難怪觀眾表現得咁興奮啦！可能氣氛熱烈，當女優們隨後換衫再落台同大家乾杯同跳辣身舞時，個個觀眾都大破慳囊，係咁塞錢畀佢哋，今次真係可以脫貧啦！
撰文：賢