雖然大部分男士都知道女人係要氹，但事實上總係有啲大男人唔明呢個道理，結果女友發脾氣走人。有大男人就話不如買個性愛機械人返屋企，咁就唔怕對方走咗去，點知性愛機械人之父表示要為機械人加入拒絕模式，等啲大男人學識尊重女性。
外形極之逼真嘅性愛娃娃（Sex Doll），早前因為法國巴黎開設嘅主題妓院而引起爭議，但那邊廂人工智能性愛機械人（Sex Robot），最近亦成為唔少人熱議嘅焦點。話說西班牙性愛機械人之父Sergi Santos博士，為人工智能性愛機械人Samantha進行系統升級，令原本識得講笑、討論哲學問題同啪啪啪嘅佢，加入拒絕上床嘅模式。Sergi Santos曾經預言喺未來20年內，人類有機會同機械人結婚，甚至生仔，今次博士稱進行系統升級後嘅Samantha，當心情唔好、感受到不被尊重或者伴侶行為過激嘅話，就會自動開啟一個名為「Dummy Mode」嘅空殼模式，陷入完全冇反應嘅狀態。博士解釋加入呢個模式嘅原因，係希望男士能夠從中學習點樣尊重伴侶。不過有人卻質疑，若然Samantha識得Say No嘅話，咁買個性愛機械人返屋企做乜？亦有人懷疑正因為Samantha識得Say No，會令人更有興趣嚟個霸王硬上弓。姑勿論如何，以Samantha為原型嘅性愛機械人正計劃喺市場發售，據稱預計售價為每個4,700美元（約36,660港元），話說回來，唔知到時會唔會有人要求保衞性愛機械人嘅人權呢？
呢期對男士嚟講最熱門嘅話題莫過於足球盛事，有唔少媒體亦從中進行抽水報道，而講到當中最啜核嘅係美國一間保健公司進行嘅研究，事關佢為32支國家隊整咗個兵器長度排行榜，究竟邊個國家嘅男士兵器最長呢？由美國保健公司Hims發表嘅研究指出，喺參加足球盛事嘅32支國家隊中，男士兵器平均長度最長嘅頭3位，順序分別係哥倫比亞嘅17.03cm，冰島嘅16.51cm及巴拿馬嘅16.27cm。至於喺唔少男士心目中認為兵器長度最長嘅非洲國家塞內加爾，只係排名第7位，平均長度為15.89cm。咁平均長度最短嘅頭3位又係邊幾個國家呢？答案順序為葡萄牙嘅13.19cm、南韓嘅11.71cm及日本嘅10.92cm，換言之日本男士嘅平均長度比哥倫比亞足足短咗6.11cm！不過男士們又唔使咁認真，皆因報告冇講調查數據點樣嚟，同埋好懷疑有幾多個男士真係會量度自己嘅兵器長度囉。研究報告同時指出，但凡足球盛事嘅主辦國，喺舉辦賽事後嘅一年內，生育率都會上升至少百分之十，部分更增加咗接近百分之三十，仲話有德國同南非嘅數據作為支持咁話。咁講又好似合情合理，事關每場波之間隔成粒鐘，兩夫妻咪趁呢個時候開番場波囉！
有啲男士唔想喺啪啪啪時陷入靜默狀態，都鍾意講吓一啲讚美對方嘅說話，從而令氣氛變得輕鬆啲，有性學家指出呢種做法亦可令女伴有更強烈嘅被愛感覺。話說回來，喺啪啪啪時講啲乜嘢讚美說話，女士們最啱聽呢？早前網上論壇Reddit有人對此主題作出發問，結果吸引咗過千條回應，最後總結咗一個最令女性覺得滿意，同時又令佢哋覺得興奮嘅讚美詞，就係「Good Girl」，意思即係「好女孩」。當中有女性留言表示好享受男伴喺啪啪啪時同佢講「Good Girl」，令佢更易獲得高潮及滿足感；有女網友表示男伴喺適當時間同佢講「Good Girl」，令佢即時進入高潮狀態；亦有女士表示覺得呢個詞語相當性感，令佢覺得自己與眾不同。不過也有為數唔少嘅留言指，喺啪啪啪時更愛聽男伴講粗言穢語，但似乎太重口味。另外，有人表示雖然唔少留言都話鍾意聽男伴講「Good Girl」，但卻要睇啱時機嚟講，若然當時嘅動作係由女伴做主導嘅話，男伴則唔應該講「Good Girl」，事關感覺同當時嘅情況不配合，反而令女伴覺得對方喺度敷衍自己。
撰文：魂