睇裸女啫，唔使天人合一咁浮誇嘛？事實係咁就唔怕認喎！事關呢本寫真係由攝影師Stefan Soell操刀，即使你未聽過佢大名，都肯定欣賞過佢嘅作品，無印象唔緊要，買呢本《Waldlust》寫真合集就得喇！細佬唔敢講會搶斷市，但深信會成為暢銷寫真，皆因Stefan Soell拍寫真嘅宗旨係人要靚，景要正，咁先有資格叫得郁佢拿起相機拍攝。
來自德國嘅Stefan Soell 14歲開始揸相機搵食，當年最鍾意影大自然風景，尤其係山同水，亦因此對世界各地嘅景色好熟悉，喺業界有咗名氣後，佢向難度挑戰，玩人體藝術攝影，一張相內既要展現到大自然美景，又要展露到囡囡身體完美曲線，外界對Stefan Soell嘅作品讚不絕口，話佢將人同景二合為一，裸體完全冇違和感，難怪成為大型寫真網「Femjoy」嘅御用攝影師。雖然作品風格非常統一，但係冇人會嫌悶場，梗係啦，大師影輯寫真，夠薑拉大隊去阿爾卑斯山取景，得閒又去火山或峽谷影幾張，影裸女都搞咁大壇嘢，換轉你係裸模都爭住畀佢影啦！所以呢本寫真集幾時睇都唔會Out，人靚景更靚，天人合一邊有得輸吖！
書名：《Waldlust》
售價： 約HK$467
撰：祖