成日話女人唔可以得罪，點解？因為女人係全球記憶力最叻嘅動物，兼且行動力好強，只要你一日得罪佢，佢一世都會搵你報仇。嗱！姊妹們唔好對號入座，細佬講緊係心地唔好，同時係有賤男得罪佢先會出現以上情況，查實港女係全球最溫柔體貼嘅，絕對唔會好似情色小說《Adelaide Black》入面嘅女主角Adelaide報復心咁重，話說佢因為當日被男友玩弄感情，繼而被飛，Adelaide頓失依靠，連生活都成問題，好在個樣嗒得杯落，結果火速搭上另一位男士。但咪以為會冇事發生，狠毒嘅Adelaide難忘當日被情傷，除咗要報仇，更將仇恨帶到去新男友身上，感情開始時打得火熱，每晚啪啪啪，搞到男友虛脫，同時又不能自拔，男友以為自己係男神，床上威猛無比，查實被當發洩工具仍懵然不知，處心積慮嘅Adelaide之後約前男友會面，更色誘對方打友誼波，同時間製造機會被現任男友撞破，Adelaide扮成苦主，先讓現任男友狠狠地教訓前度，究竟揼一鑊就算？定還是兩男最終識破Adelaide嘅詭計？自己買本書嚟睇啦！