無論當初打工嘅時候幾咁充滿熱誠同抱負，經過一段日子之後就會做到個人頹晒，有時仲會將本來嘅面目同感情深深咁埋藏，換上假面具做人，AV女優葵司亦有此番感慨，最近推出寫真集《AS I AM》，就希望能夠喺當中尋找以及展露最真、最自然嘅一面畀大家欣賞。葵司喺2008年出道拍寫真，兩年後轉投AV界發展，即係話葵司已經出道10年喇！喺呢10年當中，葵司可以話活得相當精彩，除咗拍過唔少刺激性十足嘅AV作品，仲去過台灣拍電視劇《求愛365》，2014年更參演香港電影《豪情3D》，不過葵司最惹人熱議嘅新聞，係佢成為日本知名男星松本潤與女星井上真央嘅第三者！由於葵司同如此出名嘅男星有感情瓜葛，因而經常被傳媒跟蹤同追訪，所以一度要停拍AV避風頭。好彩上年葵司終於同松本潤斬纜，家陣已經回復拍攝AV工作，最近仲推出寫真集《AS I AM》添！葵司喺書中會有大量全裸演出，亦會透過與不同環境及物件嘅互動去表達自然一面及內心世界，話畀大家知道佢仲係以前嘅葵司，一個率真而唔做作嘅葵司。