每個人都試過發夢，只係有種夢，即使夢醒咗，仍然令人有面紅心跳嘅感覺，呢種就係綺夢。正常嚟講，綺夢只會喺夜晚出現，而日本有唔少寫真作品都能夠引發綺夢，引爆男士們嘅慾望潛能！
綺夢，又叫做春夢或性夢，英文叫做Erotic Dream。雖然綺夢對男士嚟講，最大嘅後遺症就係會搞到底褲濕咗一撻，但卻令人有回味不已嘅感覺。曾有外國調查指有百分之七十五嘅女性發過綺夢，而男性則係百分之一百，換言之，即係每個男士都曾經發綺夢，而女性發綺夢嘅高峰期，在於20至45歲之間，男性則喺15至30歲之間。不過有趣嘅係，根據英國BBC喺去年公布關於日本男女性生活調查嘅報告，卻指出喺18至34歲年齡嘅男女中，有百分之四十三嘅男女表示仍是處男及處女，另有百分之六十四嘅男女表示冇伴侶或男女朋友。既發綺夢卻又冇性生活，咁佢哋嘅綺夢泉源係嚟自邊度呢？日本有媒體調查指，性感寫真集係令男士蠢蠢欲動嘅靈感泉源之一。依家就睇吓喺日本男士心目中，有乜性感寫真可以令佢哋日有所思，夜有綺夢啦！
能夠令日本男蠢蠢欲動嘅女性，首選梗係樣靚身材正，兼且令人慾望爆燈嘅AV女優莫屬，難怪桃乃木香奈嘅寫真集《直到夢中醒來為止》，能夠成為首選。1996年12月24日於日本東京出生嘅桃乃木香奈，2015年9月以AV女團惠比壽麝香葡萄成員身份登場，同年10月19日以Ideapocket專屬女優身份推出處女作《First Impression 89》，之後獲得Sky PerfecTV成人放送大賞嘅新人女優獎及東京體育獎，其Twitter嘅跟隨人數超過22萬。作為桃乃木香奈出道以嚟第3本登場嘅寫真集，出版社雙葉社開宗明義要打造一本喺日本寫真史上「最可愛又最漂亮嘅色情寫真集」為目的，為咗可以做到呢種令男士想入非非嘅效果，雙葉社搵嚟大師級寫真攝影師山口勝己操刀，以唔同嘅造型展現桃乃木香奈可愛又清純嘅一面，然而寫真集最亮眼嘅地方，始終在於佢31F嘅巨乳之上。
人好難控制發夢嘅內容，而綺夢亦係一樣，唔單止對手冇得控制，內容更係天馬行空乜都有。既然綺夢內容多樣化，以夢為題嘅寫真集內容亦要夠豐富至得，呢本以激烈性愛、暴力同噩夢為元素嘅寫真《森花：夢之世界》，絕對能夠滿足晒男士們嘅需要。由嚟自沖繩嘅世界級攝影師石川真生操刀，並且由表演藝術家吉山森花演出，如果單純睇封面，便作出只有詭奇感，卻並未感受到所謂嘅暴力同性愛元素嘅評語嘅話，未免太過輕率，事關當大家打開寫真集後，便會發現當中充滿上述兩種暗黑元素之外，吉山森花更有唔少超大膽嘅演出。據石川真生解釋希望透過呢本寫真，展現出人類內心各種瘋狂嘅諗法，而為咗令人睇起嚟更有共鳴，更喺寫真相旁邊以文字闡釋自己嘅創作理念，絕非一本單純賣弄色情嘅寫真集。呢本寫真去到沖繩取景拍攝，如果經常到沖繩旅遊嘅朋友，唔知會唔會睇得更投入呢？
想成為男士心目中嘅綺夢女神，唔係單靠樣貌同賣弄身材就得，最重要寫真集主題夠豐富，造型亦要夠貼地。至於有邊位新進寫真女優可以做到呢點？喺日本男士心目中就認為立花風香就係其中之一。老實講，比呢位喺1995年11月16日於日本愛知縣出生嘅女優，比佢身材好嘅有唔少，樣貌更吸引嘅亦唔難搵，點解立花風香能夠成為日本男士眼中嘅妄想對象呢？理由好簡單，因為佢有種鄰家女孩嘅氣質，兼且寫真題材夠貼地，而喺佢嘅寫真集《像夢一樣》（夢みたい）便充分體現出嚟。當中立花風香化身成一位練舞少女，同大家去到海邊玩水，阿妹解釋因為自細習舞關係，所以至今練舞已成為生活一部分，至於去海邊亦係佢最愛嘅活動。此外，喺佢之前推出嘅寫真集當中，仲有家居生活、夏日拍拖生活、運動日常等嘅主題，果然夠晒生活化呀！
發綺夢唔係血氣方剛年輕人嘅專利，對於年屆45歲以上嘅日本男士嚟講，當年佢哋嘅綺夢對象又係邊個呢？其中一位就係喺1971年8月8日於日本山梨縣出生嘅着衣色情寫真女優河合美果。呢位喺上世紀90年代初出道嘅寫真女優，擁有32D上圍，加埋清純嘅樣貌，真係冇得輸，佢早喺18歲時已經唔浪費天賦本錢，走去做裸體模特兒。阿妹外形咁高質，反正都係露，點解唔露得嚟又要搵到錢呢？結果佢喺1990年投身寫真界，喺同年9月推出寫真DVD《宇宙企劃的Super Lingerie 9》三點盡露，成為一時佳話，唔少男士都成為佢嘅粉絲。試水作已經獲得咁高人氣，當然要食住個勢，於是喺1991年1月推出首本寫真集《風能告訴我》（風がおしえてくれる）。不過講到河合美果嘅最強人氣寫真作，就係喺同年5月推出嘅《夢回歸線》，事關呢本糅合夢幻拍攝風格嘅寫真，展現出少女味之外，出位嘅三點演出更係十分誘人，雖然今時今日已成絕版，但仍有唔少人想搵番原版重溫。
撰文：魂