近期有好多日本AV女優宣告引退，最近仲有一位妖艷又好身材嘅頂級女優表示唔再拍AV，而佢嘅離去除咗令AV迷傷心，相信其所屬AV廠Prestige亦一樣，因為佢就係實力派女優吉川蓮，同時亦係今年第3位女優離開P廠。Prestige可以話禍不單行，繼主力女優長谷川瑠衣唔拍AV轉做陪酒孃，一姐彩美旬果投投S1懷抱，估唔到事隔唔夠兩個月，妖艷女優吉川蓮又同大家講拜拜唔再拍AV，而蓮妹喺Instagram簡介上寫住「前Prestige專屬女優」外，仲表示現時工作場所位於六本木嘅陪酒店「Fabric Lounge Tokyo」，學似師妹長谷川瑠衣咁去做陪酒孃！雖然大家唔能夠再睇到吉川蓮嘅AV演出，但係如今佢做咗陪酒孃，大家幫襯日本陪酒店的話，就可以隨時同吉川蓮見面把酒談心喇。不過話時話，咁多AV女優轉行做陪酒，可想而知呢行應該幾好搵，唔知會唔會陸續再有女優有樣學樣呢？