共享住宿網站同美國「大媽脫星」Sara Jay各不相干，但係點解會出現喺同一則新聞嘅呢？原因係呢位四仔名人堂脫星早前喺網上炮轟該網站喺無警告、無解釋兼無通知情況下，突然終止佢嘅帳戶，令Sara Jay火都嚟，佢向傳媒表示開啟應用程式諗住訂間房休息之際，竟發現個人帳戶無法運作，於是佢即刻追問客服，點知得到嘅答案係因為Sara Jay係脫星！Sara姐當然火滾啦，仲同傳媒話對方係歧視佢嘅職業，即使坊間的確有脫星或伴遊利用共享住宿網站作不道德交易，但Sara Jay至今都無做過任何違反網站政策行為，因此認為封鎖佢個人帳戶係一個錯誤嘅決定！嗱，點解錯誤？咁你就要明白，Sara Jay嘅IG有160萬粉絲、Twitter有85.8萬Followers、YouTube Channel都有18萬粉絲，所有片加埋超過3,500萬Views，仲未計Fb、直播網站同官網「VNA Girls Network」，得罪Sara Jay，或者仲慘過得罪方丈，皆因四仔迷都唔係理性動物，阿姐心靈受傷一吹雞，如果有一半人撐佢都唔得掂呀！