萬千紋身「慶」回歸！被喻為紋身脫星鼻祖，有「蜘蛛女」之稱嘅Bonnie Rotten今日返嚟喇！好興奮？好期待？坦白講唔覺囉，反而仲有啲「慶」添！唔係話Bonnie Rotten唔掂，但係阿姐不經不覺已經退隱兩年多，今日紋身同身材依舊，之但係後輩新人比佢更索嘅大有人在，加上Bonnie姐已為人母，即係巴打對佢嘅興趣大減好合情合理囉！
有料之人復出當然係好事，問題係網民討論嘅焦點唔係放喺Bonnie姐身上，竟然係講緊四仔業界菁黃不接呀！係咪新一代真係咁唔掂檔，要重金禮聘一代巨星回歸拍片先撐得住呢？難怪Bonnie Rotten呢壇嘢冇震驚四仔界，反之令網民質疑佢為乜要回歸？事實上，Bonnie Rotten嘅情趣用品系列「Bonnie Rotten Black Label」喺網上一直在售，再者舊年佢喺紐約開咗間紋身店，以自己做生招牌，由始至終，四仔迷對佢都處於「不敢記起，未能忘記」嗰隻，如今仲要踩隻腳返嚟，畀啲機會新人上位好喎！
撰文：祖