如果大家有睇過日本AV或美國四仔嘅話，都會留意到當中嘅女優都有修剪毛髮嘅習慣。其實除咗佢哋會咁做，唔少女士都有呢個習慣，一來整潔啲，二來着泳衣唔使怕露出毛髮咁尷尬啦。不過話說回來，唔知男士又有冇呢個習慣呢？早前有位男網民喺網上求分享，想知道巴打會唔會修剪毛髮，佢就話：「因為我有少少包皮過長嘅問題，每當佢半套住個槍頭時，好多時會夾埋附近嘅毛毛，而當我一郁時，就會有種好似畀人夾生掹鼻毛嘅感覺，堅痛！於是我決定修短啲毛毛。修修吓，我覺得啲毛毛又好似太多，因為生到落大髀附近，所以我索性剃晒佢，但係又覺得好變態，唔知大家會唔會咁做呢？」唔……其實有幾多男士會有呢個困惑呢？
好似唔夠飽：講真，呢個問題應該出現喺你嘅包皮上，因為我啲毛毛都幾長（同我啲朋友相比），只係我就冇你呢個煩惱。如果你覺得好似好變態，不如去割包皮仲好。
左腳大：見你認真問我就認真答。其實我都有修毛嘅習慣，理由好簡單，因為我鍾意着三角泳褲。我本身啲毛毛面積好大，都生到去大髀附近，如果我着三角泳褲嘅話，真係好難睇咁，你話唔剃又點得呢？所以你唔使覺得變態喎。
Funky_Boy：剃毛毛嘅習慣我就冇，只係掹鼻毛嘅習慣我就有，所以你一講話好似掹鼻毛嗰種痛，我真係感同身受，既然係咁，梗係要修剪啦，唔通要自己痛到起唔到身咩。
晚晚打機：呢種習慣有乜問題呀？啲毛毛係你自己嘅，同埋又唔會畀人睇到，你鍾意剃晒佢亦一啲問題都冇。相反，你如果鍾意剃人哋嘅毛毛，咁就真係變態喇。
撰文：魂