師傅成日叫我一定要注重身體，最好唔煙唔酒以及保持早睡早起有益身心嘅習慣，所以佢70歲人都仲「有心有力」！至於女士注重保養之道亦相當重要，大家睇到藝能界有唔少年過半百嘅美魔女幾有魅力已可見一斑，而踏入50歲之齡嘅中島史惠就係其中之一喇！中島史惠出道已經有二十幾年，以標榜青春同性感嘅「緊身Girls」成員而知名，除咗活躍於影視兩方面外，史惠姐由於擁有一副高挑且激凸嘅火辣胴體，拍水着寫真亦係其主攻範疇。近年史惠姐更生財有道，推出個人服飾品牌外，一向都對瑜伽極有研究嘅佢，仲開埋瑜伽教室添！其實咁做真係明智之舉，因為史惠姐就係因為勤練瑜伽，所以身材到家陣仲保持得婀娜火辣，有人辦你睇，班客仔唔信到佢十足至奇啦！最近史惠姐推出咗一本紀念佢踏入50歲嘅激情寫真集《Cinqante!》，當中佢會換上多款性感泳裝以及內衣大騷健美又激凸嘅胴體，大家亦可以欣賞到史惠姐風韻迷人嘅樣貌，此外史惠仲會有挑戰個人演出尺度嘅全裸場面，鍾意美魔女嘅朋友真係唔好錯過喇！