唔少AV女優喺引退之後轉投到風俗事業，做陪浴孃又或者陪酒孃搵食，好似星二代女優Anri咁，喺AV界消失之後就去咗做陪酒孃喇。之不過，其實唔少女優喺下海之前，本身就已經喺風俗業界打滾過，長谷川留衣就係其中之一。長谷川留衣曾經係AV廠Prestige嘅一大支柱，素有「彩美旬果接班人」之稱，效力P廠三年多以來一直都表現落力。據消息指出，留衣加入AV界之前，喺岡山市做過陪酒小姐，估唔到剛剛引退嘅留衣又再重操故業。有AV迷發現，留衣引退後雖然冇更新過社交網，但係喺佢嘅Instagram當中，卻可以見到留衣上載咗好多介紹陪酒店嘅照片，其中包括留衣性感上陣嘅寫真以及個人資料，再經AV迷進一步探究，就了解到留衣以繪里奈為藝名，喺位於岡山市一間叫做「Club 六本木駅前店」嘅陪酒店從事陪酒小姐工作，大家如果有機會去當地旅行，不妨試吓預唔預約到留衣，同佢把酒談心喇。