「夏天為大地帶嚟美腿」，呢個講法大家都聽得多，其實唔單止有美腿，仲有激凸嘅美乳，事關日本有位18禁Cosplayer示範孭背囊嘅正確方法，令激凸嘅雙峰變得更加有睇頭。另外，有日本服裝品牌推出童話系列嘅泳衣，實行將夢幻童話與性感合而為一，你哋話呢個夏天係咪好養眼呢？
背囊應該點樣孭先至正確？呢個問題對男士嚟講絕對係個廢問，但係對於擁有激凸巨乳嘅女士嚟講，呢個卻係一個值得斟酌嘅問題，皆因日本有位18禁Cosplayer示範巨乳女郎孭背囊嘅正確方法。日本18禁Cosplayer岡田優早前喺Twitter上分享一輯孭背囊嘅自拍照，擁有超激凸雙峰嘅佢，將背囊孭帶卡喺乳溝之中，由於孭帶往左右拉扯嘅關係，故此呢種孭法對於好似岡田優呢種巨乳女郎嚟講，會令雙峰睇起嚟更加激凸，充滿澎湃感，如果穿着貼身衣物嘅話，視覺效果更加吸睛！不過呢種孭法有所限制，唔係每個女士都適合，皆因胸前唔夠分量嘅話，兩條孭帶好難固定得到，睇嚟呢種孭法唔單止係限制級，仲要係巨乳女士限定。
話說回來，乜嘢叫做18禁Cosplayer呢？須知道日本有唔少索女Cosplayer，佢哋一般都會Cosplay一啲青少年漫畫嘅角色，而18禁Cosplayer則唔同，佢哋專門Cosplay十八禁漫畫嘅角色，同時會擺出露底同露股罅嘅甫士，甚至會有露點嘅演出，當然呢種演出絕對唔會喺公共場所進行，只會喺特定嘅攝影會或私影先至欣賞得到。
童話故事一直畀人嘅感覺都係浪漫同夢幻，同時亦有唔少女性曾經幻想自己能成為當中嘅女主角。換上童話中女角色嘅服裝玩Cosplay，好似係細路仔嘅玩法，對於成年女性既想重拾童話故事嘅夢幻感覺，又想迎接呢個夏日嘅話，日本有服裝品牌推出3套童話系列嘅泳衣，糅合性感與夢幻兩種元素。呢個由M企劃推出嘅童話泳衣系列，當中嘅設計嚟自3個大家耳熟能詳嘅童話故事女角色，分別係小紅帽、白雪公主同愛麗絲。小紅帽泳衣一套分為4件，除咗比堅尼外，仲有連帽長袖外套及超短裙；白雪公主泳衣除咗有比堅尼外，仲有一條超短裙；講到最具話題性嘅卻要數愛麗絲泳衣，事關佢嘅設計勁有女僕Feel，加上身上嘅綁帶，有網民就話充滿愉虐味道。當然呢個只係佢哋嘅個人觀點，事實上呢套泳衣不但相當有童話味，同時透過比堅尼設計凸顯女性嘅身體曲線美，性感度爆晒燈！另外，M企劃特意為呢個泳衣系列推出一條吊帶長褲，讓佢變成休閒服，當去到泳池或海灘時，只要除咗條長褲，就可以即刻落水，認真夠晒方便！
男士若然能夠同心儀女性啪啪啪，不知幾咁令人期待，點知肉帛相見，諗住揮棒直搗黃龍之時，兵器突然變軟，認真大殺風景！大家唔好以為呢個問題唔會發生喺自己身上，根據英國一個調查顯示，全球每10名男士中，就有一位患有勃起功能障礙，當中嘅成因有好多，而最近英國一位專門為男士治療呢個問題嘅醫生Seth Rankin博士，根據佢診症嘅經驗，歸納出產生呢個問題嘅3個主要成因。第一，就係藥物同酒精，唔少男士因為濫用藥物或酒精關係，導致出現勃起功能障礙嘅情況，當中尤以酒精問題最為普遍，事關唔少男士以為飲咗酒後床上表現會勁啲，卻唔知酒精其實係種抑制劑，會導致反應遲緩同神經衰弱，令床上表現變差；第二係吸煙，唔少人都知道煙草對身體有極大負面嘅影響，卻忽略佢對勃起嘅影響性，煙草中嘅成分會限制血液流向陰莖，令勃起更加困難。第三就係心理問題，唔少男士因為抑鬱、焦慮、神經質及不安感，令佢哋喺不為意嘅情況下出現勃起功能障礙，醫生建議若然因心理問題而出現呢個情況，最好係坐低並放鬆心情，同對方傾吓偈，消除所有負面情緒後，便能將性慾解放出嚟。
撰文：魂