AV男優曾經係唔少男士夢想嘅職業，皆因可以同AV女優啪啪啪，仲可以有錢收，不知幾咁吸引。有調查指現時日本AV男優約為70人，而AV女優則超過10,000名，每個月有過千套作品推出，因此唔少AV男優都需要加班工作，先至可以應付得到。睇到呢度，唔知有冇勾起大家想入行嘅興趣呢？若然閣下有興趣，只係唔知點入行，唔緊要，呢本由日本三和出版社出版嘅《AV男優入門》，不但為大家介紹入行嘅方法，仲詳細講述現時AV業嘅情況，加上強勁嘅業界人士陣容，以及搵嚟AV男優森林原人親自講述，難怪被AV界稱為現時最專業及最全面嘅入行指南。呢本書搵嚟著名十八禁插畫師方天戟繪畫插畫，以圖文並茂嘅方法，令讀者有更深刻嘅體會。書中共分為4章，分別係了解AV男優、成為AV男優、男優要了解嘅性愛體位及演出技巧等。當中亦有解答唔少男士一直以嚟對AV男優嘅疑問，好似大家知唔知原來處男都可以做AV男優？AV男優並唔係一去到片場就啪啪啪，事前要先同AV女優溝通好，並了解對方當日嘅狀態等。此外，講述作為AV男優一定要過住規律嘅生活及良好嘅心理質素，並且要有每日工作10至20小時嘅心理準備。不過，清楚了解後並唔代表你可以入行，最重要係你嘅兵器硬直狀態時，有冇16cm或以上嘅長度呢？