世上最衰唔係一文不值，因為一文不值最多都係代表價值為零，冇乜相干吖！點都比起欠人周身債嘅人好好多。不過，欠債又如何，最多咪想盡辦法還債囉，好似石岡真衣呢位藝能偶像家陣正努力工作賺錢還債！石岡真衣喺2011年出道成為藝人，初期加入團體「怪傑！Tropical丸」展開藝能生涯，現時係知名女團「惠比壽★麝香葡萄1.5」其中一位重要成員。石岡真衣樣子標致又好身材，當然惹人注目，成副偈都雪白鮮嫩，真係引死人！但係真衣最為人注目嘅地方，就係2014年佢表示自己因為到東京讀書而欠下後母300萬日圓，所以每日努力工作都係為咗還債。