快樂泡泡浴點少得張櫈仔

愛情酒店 自家設計

日本唔少愛情酒店以特色主題設計作招徠，而位於神奈川縣嘅「愛愛賓館」就係其中之一，以愉虐為主題，除咗房間設計充滿愉虐味道，更推出自家設計嘅情趣櫈仔，夠晒特色。賓館內設有26間主題套房，當中嘅101號房面積最大，收費亦係最貴。收得咁貴梗係有佢嘅原因，事關房內唔單止設有最齊全嘅愉虐設施，好似X形拘束架、金屬綑綁鞦韆、鐵籠茶几，仲有多款特色櫈仔任玩，而其中一款由愉虐專家設計而成嘅金屬洗浴櫈，更係備受玩家激讚。有玩家表示呢張金屬洗浴櫈除咗有一般洗浴功能外，長身同有個小型金屬靠背嘅設計，方便玩唔同嘅花式，仲可以讓女王專用手銬將玩家鎖喺靠背上，然後沉醉喺對方邊洗浴邊調教之中。不過係咪真係咁好玩，就要試過先知喇！

人氣最強 冇人唔識

提起冇人唔識嘅椅子，就係呢張名為「好色椅子」（スケベ椅子）嘅凹形名櫈。呢張櫈之所以人氣咁高，皆因只要睇過日本「泡泡浴」同泡姬等風俗孃題材AV嘅話，都會見過佢嘅蹤影，而佢更係日本泡泡浴風俗店嘅必備椅子。據有研究日本風俗業嘅人士稱，呢張櫈仔本身係作為護理業之用，專門為行動不便人士及小孩而設，而櫈仔中間嘅凹槽則方便護理人員清洗到對方股間難洗擦嘅部位。正因如此，早喺上世紀60年代，被當時「土耳其風呂」（トルコ風呂）嘅泡泡浴風俗店睇中，引入呢張櫈仔，好讓風俗孃為玩家洗浴嘅時候，用玉手刺激對方嘅重要部位，以達至發射升空嘅效果。至於AV界亦將呢張櫈仔作為拍攝道具，以提升視覺效果及真實感。

AV導演 至愛之選

雖然好色椅子喺唔少AV中出現，但講到真正符合AV導演拍攝要求嘅櫈仔，卻要數呢張喺近年冒起得極快，中間開槽及透明設計嘅膠櫈「潛入椅」（くぐりイス）。佢之所以咁得AV導演嘅歡心，在於佢透視同薄身嘅外形，當AV女優為男優提供手作服務時，唔會遮擋到鏡頭拍攝，可以清晰地睇到AV女優嘅動作。此外，女優亦可以將個頭瞓喺膠櫈之中，然後表演洗車底，若然反過嚟嘅話，男優亦可以從下而上，對坐喺櫈上面嘅女優進行活塞運動，提供更大嘅拍攝同創作空間。此外，有資深AV導演稱呢張膠櫈仲有一個優點，就係容易清潔，難怪被AV導演視為最佳嘅洗浴櫈。

高級之選 檜木浴櫈

雖然膠櫈有佢嘅優點，但對於一啲高級泡泡浴風俗店嚟講，膠櫈好似唔係咁襯得起佢哋嘅風格，既然係咁，喺佢哋嘅心目中邊種洗浴櫈最啱心水呢？有日本風俗業網站指出檜木製洗浴櫈係高級風俗店最佳心水之選，除咗因為日本人對檜木情有獨鍾，同埋木製家具有種高級感外，亦因為檜木具有防腐、防蟲蛀同唔易爆裂嘅優點，其獨特嘅木香更予人一種療愈嘅感覺，以上種種優點正好適合喺潮濕嘅泡泡浴風俗店環境使用，畀到玩家最舒服嘅體驗。有風俗店表示一定要選用「U」形或中間開槽設計嘅檜木櫈，咁先至可以方便風俗孃提供服務。

椅子好重要

日文中嘅椅子泛指我哋所講嘅挨Pan椅、電腦櫈、櫈仔等所有用嚟坐嘅椅同櫈。而喺2009年總部設於東大阪市，專售傢俬嘅Officelet株式會社倡訂4月14日為「椅子之日」（椅子の日），佢哋解釋因為喺各種傢俬之中，椅子係最貼近人類嘅家具，不但能支撐人類嘅脊骨，同時畀到使用者舒服嘅感覺，從而獲得健康嘅身體及幸福嘅體驗。

之所以定喺每年嘅4月14日，係因為日文中嘅「4」同「14」兩個數字連埋一齊讀嘅話，會得到「好椅子」（良い椅子）嘅諧音。此外，又因為每年4月都係日本新入學、就職同搬屋嘅月份，故此希望大家能明白一張好椅子嘅重要性。

撰文：魂