日頭教廚藝 夜做陪酒孃

魅力真女神

大部分男人都鍾意青春大波美少女，但係十多年前日本AV界興起熟女系作品之後，小弟嘅口味就完全改變晒，對於美熟女嘅作品更係欲罷不能。事實上，呢班美熟女美貌與身材兼備，魅力超群，一舉手一投足都散發出迷人嘅女人味，好似風間由美、村上涼子、川上由、友田真希等等，佢哋喺演出時每每能夠將成熟女人獨有嘅溫柔體貼展現，同時對性愛渴求卻難於啟齒嘅矛盾心情表達出嚟，睇過之後真係返唔到轉頭呀！除咗上述幾位美熟女天后之外，北条麻妃亦係小弟嘅最愛，而閱女無數嘅SM界女強人葵瑪莉亦對北条麻妃讚不絕口！葵瑪莉表示喺一個由繩綁大師奈加主持嘅繩綁攝影會當中，第一次同麻妃見面，被對方韻味濃郁嘅美貌以及弗到漏嘅身材深深吸引，更大讚麻妃能夠一邊接受奈加嘅繩綁，一邊回應龍友嘅各種要求，令個個都大感滿足，呢一點連擁有廿幾年表演經歷嘅佢亦要好好向麻妃學習，仲封對方為真女神添！

執手指導

雖然北条麻妃係真女神，但係其作風一向都相當親民，久不久都會開設廚藝教室招呼一眾AV迷。近年麻妃姐熱愛烹飪，經常同一班好姊妹如華月櫻、村上涼子等一齊參加烹飪班，學識咗好多不同菜式嘅烹調技巧，之後麻妃就舉辦「Maki Maki Cooking」，招請AV迷做學徒，自己就同華月櫻擔任教師。早前麻妃一如以往租借一間小型酒吧做教室，場面亦同以往一樣人頭湧湧，睇嚟AV迷真係好支持麻妃喎！當日，麻妃教大家整麵包，由撈麵糰、搓麵糰、發酵等過程都講得清清楚楚，大家有咩問題麻妃都會細心回答，甚至捉埋AV迷雙手教點樣搓麵糰添！

敬酒必飲

喺等待麵糰發酵嘅期間，麻妃拎出自己親手整嘅糕點以及紅茶招呼大家，仲任人影相合照，真係親民到震！此外，麻妃幾時都對大家咁熱情，除咗親自幫大家着圍裙，烹飪班完結後仲送到大家出門口，唔怪得個個都唔捨得走啦！其實唔走繼續留低都得o架，因為麻妃姐每次租場地都會租足一日，日頭開烹飪班，夜間就會變成陪酒店！當日又係一樣，麻妃姐由賢淑人妻形象一轉就變成美艷陪酒孃招呼客人，至於好姊妹華月櫻一樣在場幫手擔任女侍應。麻妃姐喺陪酒期間除咗會親自為大家調酒同斟酒，對於客人向佢敬酒亦逢敬必飲，唔會怕畀人灌醉，另外更會將自己煮嘅拿手菜式招呼客人，其中一味主打菜式就係沙津醬牛肉喇！有美酒有佳餚，仲有咁索嘅麻妃姐招呼，我都好想參加呀！

撰文：賢