唔同年齡嘅男士，對於女性嘅要求都會唔同，年輕男士鍾意熟女風情，年長男士則鍾愛青春少女，雖然唔知當中嘅可信性有幾高，只知道有位男網民喺網絡分享，稱自己對公司嘅熟女上司有意思，希望能夠同對方發展出進一步嘅關係。佢表示最近公司嚟咗一位年約35至40歲嘅女上司，雖然對方唔係自己嗰組，卻被對方嘅氣質吸引住。玲瓏浮凸又偏瘦嘅身材，加上保養得相當好嘅皮膚，最重要係嗰種成熟女性嘅風情，雖然女方嘅年紀同佢相差十幾歲，卻仍然對佢有無限嘅幻想，更發過幾次啪啪嘅綺夢，搞到底褲都濕咗幾條，因此希望網民教吓佢應該點做。
類人類：鍾意熟女？真係識貨，因為我自己都曾經同兩個比我大10歲嘅女性拍拖。不過想追對方嘅話，記得要做好資料搜集同諗清楚。對方外形若然真係好似你講咁出眾，如果仲係單身嘅話，應該對感情有相當嘅睇法，另一方面，年紀相差一段距離，諗法亦都會唔一樣，呢層你接唔接受到，同埋你對未來有乜計劃，呢個問題，佢一定問你。
唔好食我：熟女真係咪搞，尤其係呢種年齡相差咁大截嘅女人。我曾經同個大自己6歲嘅女人拍拖，當時我只係20歲，起初真係幾開心o架！佢好似少女咁成日同你做埋啲低能嘢，平時又一齊打機。不過熱戀期過後，現實問題就嚟，就係佢厭咗揍仔，結果就散咗。
換對黑絲襪：我老婆比我大10年，當中嘅問題真係有好多，同你分享吓，然後你自己諗諗。拍拖時，佢人工高過我，家境又好過我，起初面對係佢家人同我屋企人嘅壓力，主要都係年齡問題，覺得我玩玩吓，又話女人有幾多個10年呢類嘢。終於關係穩定咗啲，佢屋企人又話我冇錢點結婚，女人唔可以等，壓力真係好大。
K.Erika：想同大過你嘅女人一齊，最重要係誠意，咪一味只係想啪啪啪。如果女人真係鍾意你嘅話，唔會點樣計較啲錢（係唔會點計較，但都有少少計較嘅，哈）。如果你嘅誠意真係打動到佢，最重要係打動埋對方屋企人，呢層真係問題好大囉。
撰文：魂