靚女天性都係會着重自己嘅打扮，縱然未到花枝招展，都一定會留意自己係咪着得企理同乾淨，之但係若然天生麗質，卻着得一身殘舊嘅衣服，原來對身邊人會帶嚟一定嘅煩惱。有位男網民表示公司最近嚟咗個新女同事，佢稱對方唔單止年輕，樣貌同身材都屬上佳，只係佢嘅打扮同衣着卻相當有問題，頭髮唔梳求其紮埋就算，T恤嘅衫領洗到鬆晒，鬆到經常跌膊，當佢彎腰嘅時候，更係成個胸圍都見到晒！問題就嚟嘞，成班男同事都發覺佢個胸圍又殘又舊，因此呢位男網民覺得係咪應該要提醒吓佢？
網友神回應：
唱K要預我：其實露胸圍又點喎，係你哋班男人諗多咗兼有太多幻想啫。其實我真係一啲都唔介意畀男人睇到個胸圍，反正就算唔露出嚟，啲男人一見到就特別多嘢諗。我反而懷疑你係咪暗戀對方，係就不妨快啲出手。
燒烤Bra：個女仔一啲自覺性都冇，真係咪要啦！唔係屈你，你咪話我知你唔係對佢有好感呀？講真，呢條女咁嘅生活態度，就知佢冇態度啦！邊度有女仔會咁求其o架！除非你有把握調教好佢，否則以後你疊埋心水洗地、洗衫、洗碗都由你全包。
生仔唔食飯：燒烤Bra你又唔好咁講，我反而覺得呢條女嘅身份相當可疑，正如你話齋，邊有女仔會咁求其，而佢個樣唔錯，身材又唔差，一定有唔少畀人追嘅經驗，按道理佢知晒男人嘅心理，仲係咁做，證明佢就算唔係同高層有路，就一定同高層有關係。
踢咗出界：大家唔好講到出太空，人哋個問題只係問，係咪要提醒一下佢。其實提咪提囉，作為同事又好，想溝佢又好，都係想對方知道自己有乜問題啫。佢受就受，唔受咪罷就囉，佢又唔一定做你條女。
撰文：魂