男人成日溝女，原因唔單止係貪新鮮，而係覺得一個新結識嘅女仔充滿神秘感，引得男人不由自主咁去探索，逐步咁了解對方嘅底細。而喺日本藝能界曾經出現一位充滿神秘感嘅「謎之美女」祥子，唔怪得佢上位上得咁快啦！
女性擁有豐滿體態係咪一定吸引力高企呢？又未必喎！咁纖瘦型嘅女性吸引力亦一定唔會低過前者，好似剛剛宣布閃婚下嫁森田剛嘅宮澤理惠咁，近年體態消瘦，但係佢天生麗質，一樣姿色迷人，至於今日同大家見面嘅祥子亦係以纖巧體態迷死男人！祥子今年已經32歲，面孔帶熟女韻味，而呢股韻味為其端莊綺麗嘅美貌點綴得更加動人、更加艷壓群芳，出席大場面絕對唔失禮，甚至惹來全場艷羨目光添！祥子美貌出眾，不過身材方面就麻麻，大家睇唔到有咩突出之處，皆因祥子屬於貧乳一族，無論幾努力去夾去托都展露唔到深長事業線，但係細心留意一下，祥子身材骨肉勻稱、皮白肉嫩、腰幼而臀部圓潤，呢副胴體不失養眼之美，而且祥子喺寫真演出當中往往能夠施展筋骨柔軟嘅功夫，擺出凸顯S形體態美嘅姿勢，非常吸睛！
祥子嘅身材之所以咁弗咁苗條，皆因佢每日都好勤力做運動，據講佢每朝都會喺屋企照一照鏡，欣賞一下自己副偈，同時警惕自己謹記保養好呢副胴體。正因為祥子身材咁弗，早幾年為紀念日本知名小說家江戶川亂步逝世50周年電影《D坂の殺人事件》當中，敢於作裸露以及SM演出，而祥子嘅激情演出令其名氣大大增加，喺短短兩個月獲得30個演出電視節目嘅機會！至於祥子嘅威水史唔單止咁，其首本寫真集《祥子 愛にゆく人》更錄得22,000本銷量，對於當年係新人嘅祥子嚟講，可以話係絕佳成績，亦因為咁祥子被稱為第二個壇蜜！
祥子出道以來人氣持續上升，除咗因為美色迷人，仲因為祥子初登場時保留相當大嘅神秘感，本名、出身地、年齡等等資料都冇公開過，一度被稱為「謎之美女」，正因為咁神秘而成為話題。家陣祥子嘅底牌雖然揭得七七八八，好多背景資料都畀大家知道晒，但係祥子不論喺演戲、拍寫真以及做主持方面都發揮出高超才能，人氣依然保持高企。
年齡：32歲
身高：5呎5吋
三圍：33-23-34
簡介：祥子最近工作量相當多，除咗主持節目之外，亦花咗唔少時間拍寫真，Click上其Twitter就可以欣賞到祥子拍寫真時嘅花絮以及性感照喇！
網址：https://twitter.com/sho_ko_0413/
撰文：賢