日本嘅古怪紀念日何其多，例如有馬尾日、孖辮日、黑絲襪日等，原來仲有一個尺碼之日。不過點解尺碼之日會同女性下着，即係胸圍底褲有關呢？依家即刻同大家講解一下啦！
話說喺2014年，以日本京都市為基地嘅女性內衣企業Wacoal，眼見日本人習慣喺每年3月會買衫迎接新一年，於是便以此作為契機，將3月12日定為「尺碼之日」，目的就係令女性明白內衣尺碼對自己嘅重要性，並且要揀選適合自己尺碼嘅胸圍同底褲，同時提醒女士們唔啱身嘅內衣褲統統要換過晒。另外，喺春夏兩季都會穿着質地較薄嘅衣服，更能展現出女士嘅身材，若然穿戴唔啱身嘅胸圍，好易出洋相。至於將日文中嘅「3」（サ）同「12」（イズ）兩個發音合成一齊嘅話，便會得出「尺碼」嘅諧音。雖然呢日看似同男士們冇乜關係，但係日本男網民都會喺網上分享一啲女性內衣主題嘅另類寫真，話可以一齊慶祝如此有趣嘅紀念日喎！
性感內衣令男士有唔少遐想，但係縱然想睇，現實中絕對唔許可。為咗可以滿足男士嘅妄想，就推出呢本以滿足男士(目及)嘢心理嘅寫真集《日本妄想寫真館 人妻58人 日常的走光》（ニッポン妄想写真館 奥樣58人 日常のチラリズム）。大家唔好誤會，以為呢本寫真集真係走去偷拍人妻嘅走光畫面，查實呢本由日本著名AV片廠溜池監製嘅寫真集，當中嘅人妻其實都係素人AV女優，為咗展現佢哋走光一刻，同時加強逼真效果，佢哋喺住宅內取景拍攝，而素人AV女優就會做各種家務，如晾衫、掃地、煮飯等，為讀者帶來(目及)嘢嘅滿足感，難怪呢本寫真集咁受歡迎啦！
唔知自己套內衣嘅尺碼算唔算啱身？等我哋幫你睇吓啦！只係又驚自己冇鑑賞能力嘅話，唔緊要，呢本由日本異色寫真出版社「五十六Digital」推出嘅《下着姿鑑賞》系列，正係打住提升男士對女裝內衣鑑賞能力嘅旗號。雖然擺明係噱頭，係咪真係可以提升鑑賞能力真係唔知，但可以肯定嘅係，呢個寫真系列自2015年4月推出頭炮作《下着姿鑑賞 川奈優 Vol.1：內衣戀物癖》後，獲得極佳嘅反應。由於大受歡迎，故此其後搵嚟大崎由希、鈴川凜、吉見衣世、加藤椎名等多位著名寫真女優上陣，演出呢個系列嘅寫真作品。
想細味內衣誘惑，當然唔可以錯過被喻為妄想系寫真中嘅經典之作，由日本著名妄攝攝影師Tommy炮製嘅《妄攝Chocolate》啦！喺日本宮崎縣出生嘅Tommy，20歲喺美國留學兼從事時尚攝影師工作，有日佢偶然睇到一本被撕爛雜誌下所露出嚟嘅照片，令佢萌生攝製一本妄攝寫真集嘅諗法。妄攝寫真集最大嘅特點，在於模特兒穿衣嘅照片有被撕破嘅效果，露出衣服下嘅內衣，增強視覺衝擊力。喺Tommy嘅妄攝系列中，《妄攝Chocolate》係代表作之一，事關搵嚟山本梓、辰巳奈都子、佐山彩香、大田千晶、谷桃子、Rio等寫真及AV女優演出，憑住一副火辣身材及妄攝效果下所帶嚟嘅挑逗味道，令呢本作品喺日本獲得超過10萬本嘅銷量，更掀起其他攝影師模仿嘅妄攝風潮。
雖然日本有唔少可以讓玩家揀選風俗孃着乜嘢款式內衣褲嘅風俗店，但講到實牙實齒以內衣褲為主題嘅風俗店卻唔多，而當中最具人氣嘅一間，莫過於喺2012年於東京池袋開業嘅下着戀物癖Image Club「L-feels」。呢間風俗店最大嘅特色，就係備有多款內衣供玩家選擇，數量更係超多，從兩件頭嘅內衣到連身內衣，以及從喱士到透視等乜都有，而據粗略統計，店內有超過180套唔同款式及顏色嘅內衣可供選擇。此外，風俗孃不但自備各種制服，仲會經常喺個人寫真日記上載內衣自拍照，實行引到大家流晒口水。
撰文：魂