一個人有番咁上下經歷同年紀，都不禁會緬懷過去，回味一下過往遇過嘅人和事，當然亦會懷念起舊日去過嘅地方啦！如果能夠舊地重遊，重拾昔日暢遊當地嘅美妙時光，更會令人興奮無比，唔知係咪因為咁嘅原因，令到人氣美人兒真野惠里菜情不自禁咁露到盡呢？
26歲嘅真野惠里菜生得靚女非常，氣質青春又清新，甜美又帶秀氣，自踏足藝能界，由加入美少女組合「Hello! Project」到單飛發展，人氣依然係有增冇減，無論係拍日劇定電影，多數都係做女主角，知名嘅電影作品包括《機動警察真人版：次世代》，而今年上映嘅電影有《坂道上的阿波羅》以及《不能犯》。除咗拍戲，惠里菜亦有出唱片及拍寫真，而且每年都會推出一本寫真集，最近佢就推出咗《ERINA》喇！今次去到英國倫敦取景拍攝，點解唔係常見嘅沖繩或者係夏威夷呢？原來惠里菜喺脫離舊團體「Hello! Project」之後，曾經一個人獨遊倫敦，當地充滿歷史同文化藝術嘅景致令惠里菜記憶猶新，於是阿妹希望趁踏入26歲之時可以重遊舊地，重新感受一下倫敦，繼而重新出發，以當日自己作單飛發展時抱住嘅決心同勇氣迎接未來嘅挑戰！有咗呢種心態，惠里菜喺寫真集當中都特別露盡啲，唔少場面都以半裸示人，將飽滿嘅胸部以及臀部騷畀大家睇！
書名：《ERINA》
售價：約HK$200
撰文：賢