呢個世界最令男士心動嘅胸係警鐘胸定竹筍胸？對日本男士嚟講相信非布甸胸莫屬！事關布甸嗰種震騰騰嘅外形，加上滑溜嘅質感，令唔少日本人都鍾意食嘅布甸，從此跟美胸扯上關係。
又想食布甸，又想睇美乳嘅話，有乜嘢好得過呢個日本著名嘅「乳房布甸」（おっぱいプリン）呢？「乳房布甸」對男士嚟講可以話係日本名物之一，佢本嚟係由雞蛋、牛奶、沙糖等材料做成嘅焦糖布甸，經過特別包裝後，成為一款相當養眼嘅零食。呢款由位於名古屋嘅和菓子製作公司長登屋設計出嚟嘅「乳房布甸」，最引人入「性」嘅係兩杯渾圓嘅布甸擺放喺美少女紙公仔胸前，當打開包裝上嘅「胸圍」後，便可睇晒一對「車頭燈」全相之餘，杯底更抵死地加上兩粒車厘子添！此外，佢先後推出過東京、秋葉原、大阪等超過20個地方限定版，當中嘅美少女造型亦有唔同，好似秋葉原係女僕，而大阪則係比堅尼女郎，想儲齊咁多個版本真係要花啲心機喇！
布甸口味有好多種，除咗焦糖牛奶布甸外，仲有杧果布甸、咖啡布甸等，但係講到養眼度十足，卻非呢本果梨喺2004年5月推出嘅寫真集《哈密瓜布甸》（メロンプリン）莫屬，更被日本AV迷視為經典布甸胸之作。寫真集取名做布甸，相信大家都心領神會，但係點解會叫做「哈密瓜」呢？皆因果梨擁有一對35G巨乳，分量同哈密瓜差唔多，憑住如此胸器令佢甫出道已「峰」芒畢露。呢本由著名攝影師小宮山隆操刀嘅寫真集，雖然冇露三點，但係露出度卻高達百分之九十九，果梨只穿着一條丁字褲示人，噴血度爆晒燈。事實上，呢本寫真集被果梨所屬事務所寄予厚望，而舉辦寫真握手會嘅入場票更係一票難求，足見佢嘅魅力有幾強！
布甸同巨乳之間嘅關係，只需要心領神會就得，好似呢本西田麻衣嘅寫真集《My Pudding A La Mode》，就被視為最巧妙地運用布甸做封面嘅寫真集。西田麻衣擁有一對37I豪乳，而呢本寫真集由日本著名攝影師西條彰仁操刀，佢將兩個巨型焦糖布甸放喺西田麻衣嘅胸前，啱啱好遮住兩點，令布甸同豪乳之間產生微妙嘅聯想空間。有日本網民稱呢本寫真集令男士產生邪念嘅同時，卻又充滿焦糖布甸嘅純真味道，感覺正到痹！然而，寫真集同布甸一啲關係都冇，反而去到美國三藩市取景拍攝，充滿山谷、纜車、葡萄園等元素。雖然如此，卻憑住如此誘人嘅封面，成為吸引男士嘅眼球。
既然布甸胸同索女有密切嘅關係，試問又點會唔成為日本風俗業嘅題材呢？雖然日本有唔少風俗店用上布甸作為店名，但講到當中最具人氣嘅風俗店，卻要數位於茨城縣嘅素人出張風俗店「動L動L布甸」（ぷりぷりプリン），除咗因為風俗孃個個都擁有布甸胸之外，仲有以焦糖布甸設計而成嘅吉祥物「動L動L布甸君」，萌屬性極高，造型相當可愛，經常陪伴風俗孃拍攝官網宣傳照，風俗店更製作出唔同表情嘅「動L動L布甸君」毛公仔，甚討客人歡喜。可惜係呢個公仔未有公開發售，想買都買唔到。
布甸被引申形容滑溜嘅美胸，而事實上日本人傾向用疊字嘅「プリンプリン」，即係「布甸布甸」嚟形容美胸，因為使用單一個「プリン」詞語嘅話，係有另一個意思，原來喺日本網絡文化中，「プリン」解做已婚男士嘅外遇對象，即係「狐狸精」或「小三」。話說回來，布甸胸嘅魅力讓男士難以抵抗，真係睇到人蠢蠢欲動o架！
撰文：魂