食老本等於唔肯創新，按過去成功方式翻炒再翻炒，直至搵唔到食為止。不過，食老本首先都要你有「本」至得，好似知名攝影大師Ed Fox，好多粉絲都指佢食老本，一味將舊作翻炒，毫無新意，講到大師好似唔再識影相咁，之但係數據最誠實，於2016年推出嘅《Ed Fox II》寫真集再版又再版，至今仍然係暢銷寫真集之一。可能有人會話啲人唔識嘢，慕大師之名盲目追捧啫，睇完咪知領嘢囉！咁借問聲大師又有乜嘢吸引力，令全球男士們瘋搶呢本寫真集呢？唔係Model名氣，更加唔係攝影師嘅功力，亦冇天價製作費，講到底只係一雙美腿咁簡單！Ed Fox最叻影囡囡對腳，但佢表示自己冇戀腳癖，自從90年代尾替《Leg Show Magazine》擔任攝影師開始，到2012年雜誌執埋，佢繼續有影美腿，其後佢推出第一本美腿寫真集《Ed Fox》，之後推出《Glamour From The Ground Up》歐美裸女寫真亦好評如潮，或者影囡囡美腿太深入民心，所以先令人覺得Ed Fox食老本啫！