想成為人氣十八禁漫畫，唔單止要有火辣女角色，仲要營造出激烈又誇張嘅床戰，而日本成漫家四平龍也便精於此道，佢嘅單行本《Shameless Girl》更可以讓大家體會到呢點。
《Shameless Girl》收錄咗佢曾於成漫月刊《Comic快樂天Beast》及《Comic Penguin Club》上發表過嘅作品，包括有《Making A》、《Blue Planet》、《Cafe Which？》、《野獸之宴》、《三角革命》、《Love雅緻》、《有點甚麼？》、《未完的薔薇》、《不可能從這個規則畢業》、《Monotone》、《幸運Reversible》、《雨戀》、《遊星Yori極度愛》及《另一個人》合共14篇單元故事。呢本單行本推出後，憑住一貫熟練畫功加上極具動感嘅情慾場面，獲得極佳銷量成績，更被成漫評論家稱為「超色情嘅十八禁單行本」，當中以《Love雅緻》及《有點甚麼？》最精彩。
《Love雅緻》講述樣子兇神惡煞嘅愛佳，跟男友宗佑青梅竹馬，雖然兩人已經同居3個月，但係從未有肌膚之親，因而令愛佳感到相當疑惑。有一日，愛佳喺街上見到宗佑跟一位萌系美少女約會，便擔心被男友拋棄，於是佢化身成美少女，希望可以挽回宗佑嘅心。呢晚宗佑放工回家，見到愛佳不但改變形象，更主動吹奏一曲，此時宗佑跟愛佳解釋，嗰個美少女其實係佢細妹，而為咗報答愛佳嘅愛意，宗佑決定提起兵器上陣，展開一場激烈床戰。
至於《有點甚麼？》講述男主角戶島同外號「課長」嘅女主角係一對打機好友，有一日課長得悉戶島嘅屋企珍藏咗幾部經典遊戲機，於是連工都唔返，去到戶島屋企瘋狂打機，點知課長打極都輸，令戶島覺得好無癮，於是佢提議邊個打輸咗嘅話，就要無條件答應對方做一件事，點知呢次課長贏咗，就叫戶島幫佢按摩，戶島卻誤以為係性暗示，結果兩人啪啪啪起嚟。
書名：《Shameless Girl》
作者：四平龍也
撰文：魂