所謂慢工出細課，又有云千呼萬喚始出來，有質素嘅產品當然需要大家等吓啦！而呢本由樹智子演出嘅首本個人寫真集經過接近5個月嘅時間終於面世喇！24歲嘅樹智子來自模特兒界，家陣係女子組合「G☆Girls」嘅成員，經常隨組合四圍登台獻唱以及舉辦攝影會。樹智子以前身材偏肥，而塊面仲有少少闊，但係經過一段日子之後就變得身材婀娜又靚女。雖然原因未明，但係憑美貌同身材令人氣愈來愈高，更加喺選美活動「第6屆朝日藝能New Face比賽」中成功獲得冠軍，之後又喺第5屆「FLASH X Presents寫真爭奪戰」勇奪冠軍寶座，因此獲得推出個人寫真集嘅機會。阿妹上年8月奪冠，最近寫真集《いつか、きっと》經過一番精心炮製之後終於上市，當中樹智子會挑戰出道以來嘅最大露出尺度，將豐滿又健美嘅火辣胴體盡情展露，另外亦會流露出觀眾少有見到嘅春情勃發一面，保證可以滿足到觀眾嘅官能需要！