美國兩大四仔頒獎禮「XBIZ Awards」及「AVN Awards」早前喺無聲無色同陣容唔太出色下曲終人散，對於今屆嘅獎項得主，四仔迷又點睇呢？其實可以點睇？來來去去都係嗰幾個脫星得獎o架啦！咁又係嘅，好似「XBIZ Awards」最多人𥄫實嗰3個大獎：「Female Performer of the Year」、「MILF Performer of the Year」及「Foreign Female Performer of the Year」，除咗最後嗰個獎由意大利妹Stella Cox奪得有啲驚喜外，頭兩個獎係由熟口熟面嘅Brandi Love及Romi Rain捧走。可能有人會問，咁究竟邊個攞邊個獎呀？問得出呢個問題嘅，即係話你都覺得佢哋兩個喺四仔界浸咗好耐，都分唔清兩個有乜分別啦！開估！Brandi Love當然係MILF級別啦，但年屆30歲嘅Romi Rain浸多兩年咪又係提名競逐MILF，所以都係嗰句，呢堆獎係輪住嚟攞，邊個攞邊個獎有乜所謂！當然亦有人話兩位得主都係聲色藝俱全，得獎係實至名歸！細佬絕對認同，之但係年年都係佢哋攞，叫人好難信服唔係小圈子選舉噃，好在呢班得主攞咗獎都冇話大搖大擺，好似Brandi Love甚至冇喺社交網晒獎，好低調！