男人有好多種，有暖男、型男、賤男、渣男等乜嘢類型都有，而從咁多種形容男性嘅詞語中可以發現，男人真係有好多變化。至於喺情色字典中，關於Man及男人嘅俚語及成人電影又多唔多呢？想知道，就要睇吓今次嘅介紹啦！
妓女可以話係一種歷史悠久嘅工作，而串連起玩家同妓女之間關係嘅中介人，就係叫做扯皮條，而喺英文俚語中稱為「Macko Man」。「Macko Man」係「Mack Man」嘅變種稱呼，而「Mack Man」同樣解做專門負責管理妓女及接待玩家嘅中介人。而負責管理妓女嘅女性，我哋除咗稱佢做媽媽生之外，仲會稱佢做「老鴇」，只係點解有呢種稱呼呢？原來鴇係鳥類一種，古人以為鴇只得雌性而冇雄性，每當佢哋要繁殖後代時，便會跟任何一種鳥類交配。正因為佢唔理對方係乜嘢雀鳥都會接受交配關係，所以古人便視之為濫交淫鳥，而作為管理妓女嘅女性負責人便稱之為「鴇母」。
近年美國嘅超級英雄電影風靡全球，如此有市場價值嘅題材，自然逃唔出四仔片廠嘅視線，惡搞超級英雄嘅四仔長拍長有，講到當中最具人氣嘅，莫過於喺2011年11月由美國四仔片廠Extreme Comixxx製作嘅《Iron Man XXX: An Extreme Comixxx Parody》，不但搵嚟著名四仔導演Rob Black執導，更搵嚟一眾人氣男女脫星飾演當中嘅角色，分別係Seth Gamble飾演Tony Stark、美艷脫星Chanel Preston飾演黑寡婦、巨乳脫星Gracie Glam飾演大反派Justine Hammer，另外仲有變形俠醫登場添！故事鹹味極重，講述Tony Stark研發出鋼鐵戰甲後，經常同性感女助手喺機庫內啪啪啪。那邊廂，Justine Hammer為咗搶走戰甲而色誘變形俠醫，並控制對方攻擊Tony Stark，於是Tony Stark搵嚟炮友黑寡婦對抗惡勢力，喺床上砌個死去活來！呢部四仔喺2012年嘅AVN頒獎禮上獲得最佳新系列四仔獎。
日本AV女優年中同唔少男優交手，若然佢哋仲要話：「好想要男人！」未免太過大食。事實上，的確有如此大食嘅AV女優，佢就係淺田結梨，佢喺Twitter公開表示好想搵男人啪啪啪！1997年1月10日於日本新潟縣出生嘅淺田結梨，擁有35F-25-35嘅魔鬼身材，2015年11月以兼職女優身份演出由AV片廠SOD製作嘅《現役的TV藝人！AV Debut》。佢之所以兼職做AV女優嘅原因，係因為當時佢正喺秋葉原一間女僕咖啡店工作，憑住萌系樣貌同魔鬼身材，好快獲得AV迷注意。話說回來，淺田結梨喺社交網話好想要男人嘅原因，佢表示係因為按AV經理人公司嘅規定，公司所屬嘅AV女優唔可以搵男友，私底下唔可以同人啪啪啪，理由係擔心女優有男友嘅消息一出，會影響作品嘅銷量，因此佢先至喺網上抱怨冇男友。有AV迷表示，其實AV女優有冇男友都冇所謂，因為佢哋一啲都唔介意。
廣東話嘅俚語對外國人嚟講相當難明，而英文中嘅情色俚語亦係如此，好似呢句「Make A Bald Man Cry」就係好例子，直譯係令禿頭男哭泣，之但係佢梗係唔係咁嘅意思啦，原來佢係指男性自娛至發射升空嘅動作，而當中嘅「Bald Man」就係指男士嘅兵器。此外，「Making The Bald Man Puke」亦係同樣意思，而當中嘅「Puke」中文譯做吐出或嘔出，係咪好有意境呢？講開關於Man嘅情色暗語，仲有「Man Catcher」，唔知大家估唔估到佢係乜嘢意思呢？雖然「Catcher」解做捕手，但唔好以為佢係指鍾意溝仔嘅女士，皆因佢真正嘅意思係指女性嘅蜜洞，真係好難估呀！
撰文：魂