攝影大師Robert Alvarado嘅作品，通常都係一件索女襯白地，而Robert哥早喺2005年於美國起朵，傳媒更用風靡全球嚟形容，因為佢有強烈個人風格，不論任何職業或運動，Robert哥都能夠將之同女人拉上關係，仲要係性感索女，加上Robert哥只愛影五、六十年代嘅畫版風格，非常搶眼，零舍多人留意。講完Robert哥有幾勁，當然要介紹佢嘅寫真集作品，坦白講，新舊寫真幾時睇基本上都冇分別，正如先前講，Robert哥最愛性感加白地，停留喺美國「海報女郎」年代，所以過多十年欣賞都一樣。Robert哥過往已推出過多本寫真集，主題都係玩電影角色、紋身等，而呢本《Alvarado's Cosplay Pin-Ups》，顧名思義玩Cosplay服，細佬率先睇過預覽圖，裸露鏡頭唔會有，但性感爆燈一樣睇到你扯晒火！