所謂同姓三分親，同樣出身於藝能界嘅AV女優特別相處融洽，好似三上悠亞同高橋聖子呢兩位AV界人氣王就一向情同姊妹，經常一齊飲飲食食，亦不時以姊妹檔主持節目，當然AV迷就梗係想睇到佢哋兩個一齊演出嘅作品啦！家陣三上悠亞隸屬S1，高橋聖子則效力Moodyz，睇嚟現時合作嘅機會唔係太大，大家要等多一段日子才如願以償。雖然係咁，兩姊妹早前就應傳媒嘅邀請進行對談，一齊回顧吓2017年嘅難忘事。
三上悠亞表示第一件想起嘅事係喺「DMM成人大獎」中榮獲最優秀女優獎，至於聖子亦係一樣，因為聖子得到最優秀新人獎嘅殊榮。悠亞同時表示2017年係佢過得相當充實嘅一年，特別印象深刻嘅係佢學識咗好多色情嘅漢字寫法，例如「發射」，聖子聽到之後就問師姐悠亞知唔知道男人進行呢個動作嘅身體部分漢字係點寫，悠亞就笑到收唔到聲。之後，悠亞又話2017年拍AV嘗試咗好多激烈嘅場面，例如同粉絲一齊拍AV，以及為拍攝AV之前禁慾一個月等等。聖子都話自己過得好充實，更加因為喺拍攝期間飽受快感而幾乎失神添！聖子補充話AV作品已經有15部咁多，超越咗佢以前做寫真偶像時所拍嘅9部映像作品，但係唔知點解家陣喺AV碟封面上仲寫住「寫真偶像」嘅名銜，悠亞不約而同話自己出道咗兩年幾，仍然被標籤為前SKE48「國民的偶像」，睇嚟兩位女優都致力拋棄過去嘅身份，全情投入AV女優工作。
撰文：賢