由台灣小說家薔薇著作嘅《雙戀危情》，戀愛加上情慾情節，挑戰大家嘅幻想極限。故事講述女主角田靜靜因為暗戀公司總裁，為咗引起對方注意，不惜埋頭苦幹兼為公司獻出所有，不過佢搏命工作及付出嘅心血，始終引唔起總裁嘅注意，反而選擇咗搶去自己功勞嘅組長金心玲。感到心灰意冷嘅田靜靜，喺受到事業及感情嘅雙重打擊下，佢拉咗部門男新人林樂力去飲酒消愁，卻估唔到因為醉酒亂性而同對方發生咗關係。從未諗過會同對方有肉體關係嘅田靜靜，諗住同對方劃清界線，但又唔捨得咁做，因為佢慢慢發現林樂力係一位萬能男，不論有乜嘢困難佢總能夠幫忙解決。慢慢建立起嘅安全感，令田靜靜不禁將感情投入過去，而呢個時候，總裁對佢展開追求，面對肉體及心靈上嘅關口，佢最終點樣取捨呢？