美國脫星界近年多咗論政，個個都忍唔住口噏兩句，而呢股風仲吹到男優身上添！報稱喺法國出生、意大利長大、美國搵食嘅「男神」Manuel Ferrara，即係女神Kayden Kross嘅老公，近日向傳媒及喺社交網炮轟法國總統提出多項防止性暴力措施。先旨聲明，Manuel Ferrara並非贊成性暴力，亦非要打壓婦女，Manuel認為對方喺演講中有意無意出言指色情電影係性暴力元兇及助長性暴力，呢一點就令到Manuel好反感。Manuel引述法國總統講話：「色情作品使女性普遍陷入『屈辱的對象』，促使法國廣播監督委員要加大審查權力，並要以其他方式限製成人電影觀念，並且該機構制訂計劃教育中學生關於色情問題。」而最令Manuel覺得四仔被「妖魔化」嘅係法國總統喺Twitter寫道：「色情已經走進學校大門。」簡直令Manuel扯晒火！